Charter Document - 02120116
| Charter Number: | 02120116 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis curie Nivernensis salutem in Domino Noveritis quod in nostra presentia constituti Giraudus de Pesgnes domicellus et Aalidis ejus uxor publice ac in jure confessi fuerunt se deliberatione previa vendidisse religiosis viris conventui de Charitate pro centum solidis parisiensibus suis quittis sibique solutis in pecunia numerata ut dicebant ab eodem conventu tam census laudes et vendas portates quam costumas et omnes redditus quos iidem Geraudus et Aalides uxor sua habebant in parrochia de Parciaco cum omni jure quod habebant ibidem salva decima bladi quam ipsi habere dicuntur in parrochia antedicta quam decimam bladi de feodo domine de Rupe movere dicebant quittantes coram nobis penitus et precise dicto conventui dictos censum et costumas et omnes redditus alios quos ipsi Giraudus et Aalidis ejus uxor habebant in dicta parrochia et quidquid juris sibi competebat seu competere poterat aut debebat in dictis rebus quoquo modo seu quacunque ratione possidendos et tenendos imperpetuum libere pacifice et quiete titulo legitime emptionis salva dictis venditoribus decima supradicta promittentes quod fide in manu nostra prestita corporali et sub obligacione omnium bonorum suorum ubicumque sitorum quod contra venditionem et quittacionem predictas per se vel per alium non venient in futurum et quod garentizabunt easdem res et defendent dicto conventui adversus omnes gentes ad usus et consuetudines Nivernenses preterquam adversus dominum feodi Renunciaverunt siquidem quoad ista dicti venditores per fidem suam exceptioni fori exceptioni pecunie sibi non solute actioni in factum de dolo conditioni sine causa deceptioni et revocationi cuilibet ceterisque actionibus et exceptionibus generaliter universis que contra presentes literas et factum hujusmodi possent ab aliquo objici seu dici necnon et omni auxilio et beneficio totius juris tum canonici tum civilis volentes pariter et concedentes quod nos vel officiarii qui pro tempore fuerint ipsos ad observantiam premissorum per censuram ecclesiasticam si necesse fuerit compellamus Et se supposuerunt dicti venditores quoad hec jurisdictioni curie Nivernensis quocumque loco maneant vel existant dicta Aalidi per ejus fidem renunciante omni juri et omni privilegio in favorem mulierum super rebus dotalibus aut hereditariis introductis ipsaque affirmante quod scienter sponte et provide faciebat hec omnia et dicebat In cujus rei memoriam et testimonium ad petitionem dictorum venditorum sigillum curie Nivernensis presentibus litteris duximus apponendum Datum die Jovis ante festum sancti Martini hyemalis anno Domini millesimo ducentesimo sexagesimo primo