Charter Document - 02120115
| Charter Number: | 02120115 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis curie Nivernensis salutem in Domino Noveritis quod in nostra presentia constituta Agnes filia Roberti Lepi militis vidua et sui juris existens publice et in jure confessa fuit se vendidisse religiosis viris conventui de Charitate pro centum solidis parisiensibus suis quittis et sibi solutis integre ut dicebat tam terras quam census bordelagia costumas et res alias quocunque nomine censeantur quas ex quacunque causa dicta mulier habebat et habere poterat ad presens in parrochia de Parciaco qui census portabant laudas et vendas prout dicta mulier asserebat quittans perpetuo et irrevocabiliter jamdicto conventui omnes res ipsas venditas et transferens in eumdem conventum totum jus et omne dominium que ipsa mulier habebat in quibuslibet rebus sitis in parrochia antedicta promittens quod per fidem suam in manu nostra datam et sub obligatione omnium bonorum suorum quod non veniet contra ista et quod garentizabit eidem conventui ipsas res venditas adversus quemlibet querelantem Supposuit autem dicta mulier se quoad observantiam premissorum jurisdictioni curie Nivernensis et quantum ad ista per suam fidem renunciavit actioni in factum de dolo conditioni sine causa et exceptioni non solute pecunie ac omni auxilio et beneficio totius juris tum canonici tum civilis ceterisque actionibus et exceptionibus universis et specialiter omni juri et omni privilegio in favorem mulierum super rebus dotalibus et hereditariis introductis affirmans quod sponte et provide faciebat hec omnia et dicebat In cujus rei testimonium ad petitionem dicte mulieris presenti scripto apposuimus sigillum curie Nivernensis Datum anno Domini millesimo ducentesimo sexagesimo primo die jovis ante Epiphaniam Domini