Charter Document - 02120113
| Charter Number: | 02120113 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1255 |
| Date type: | Internal, A.D. |
| Resource Link(s): |
|
Charter:
Ego Henricus dominus Soliaci notum facio presentibus et futuris quod cum viri religiosi J prior et conventus de Charitate furnum suum quem habebant in villa de Argento et omnimodam justitiam ejusdem ville que sua erat et ad domum suam de Sancta Montana pertinebat concesserunt et quitaverunt imperpetuum mihi et heredibus meis pro quinque modiis boni et receptabilis siliginis annui redditus ad mensuram de Argento quos pro predictis furno et justitia assignavi eisdem recipiendos libere et quiete singulis annis in perpetuum in festo omnium sanctorum apud Argentum in meis redditibus quos habeo in potestate de Argento et reddendos singulis annis predicto termino priori de Sancta Montana qui pro tempore fuerit vel ejus certo nuncio sine contradictione aliqua vel dilatione salvis eisdem et retentis censu quem habent in castro meo sive domo forti de Argento et aliis censibus et redditibus quos habent in eadem villa et parva justitia censuum predictorum quam illi consueverunt habere in partibus illis in censivis suis Ego predictum bladum predictis loco et terminis singulis annis supradicto priori de Sancta Montana solvere et omnia alia premissa facere et firmiter tenere bona fide promitto et quod contra premissa per me vel per alium non veniam in futurum Et ad hec tenenda et firmiter servanda imperpetuum me et heredes meos obligo et astringo In cujus rei testimonium presentibus literis sigillum meum apposui Actum anno Domini millesimo ducentesimo quinquagesimo quinto mense maii