Charter Document - 02120111
| Charter Number: | 02120111 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1250 |
| Date type: | Internal, A.D. |
| Resource Link(s): |
|
Charter:
Universis presentes literas inspecturis officialis curie Autissiodorensis salutem in Domino Notum facimus quod in nostra presentia constituti Guillelmus et Morellus dicti Chauderii fratres armigeri recognoverunt quod quidquid ipsi Guido dictus Chauderius miles frater corum ac ipsorum mater habent et tenent apud Polliacum et Charentonem in decimis censivis sive hospitibus et rebus aliis quibuscunque totum de feodo ecclesie Charitatensis existit Recognoverunt etiam quod ecclesia Charitatensis predicta totam omnino habet justitiam in omnibus et singulis supradictis Promittentes dicti Guillelmus et Morellus juramento super hoc nobis prestito corporaliter ab eisdem tactis evangeliis sacrosanctis quod contra recognitiones hujusmodi per se vel per alium non venient in futurum neque super premissis aut super aliquo premissorum in prejudicium dicte ecclesie aliquid per se de cetero attentabunt vel per alium facient attentari In cujus rei testimonium et munimen nos ad petitionem predictorum armigerorum literas presentes sigillo curie supradicte duximus roborandas Actum anno Domini millesimo ducentesimo quinquagesimo mense augusto