Charter Document - 02120104
| Charter Number: | 02120104 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Consecration |
| Date: | 1230 |
| Date type: | Internal, A.D., Calendar |
| Resource Link(s): |
|
Charter:
Anno incarnationis Dominice millesimo ducentesimo tricesimo pridie kalendas julii venerabilis pater Petrus Dei gratia Meldensis episcopus cum quo adfuit religiosus pater Nicolaus Avinionensis episcopus hanc ecclesiam dedicavit in nomine sancte et individue Trinitatis et victoriosissime Crucis in honore beatissime virginis Marie et beatorum apostolorum Petri et Pauli in honore beatorum martyrum Vincentii Blasii in honore beatorum confessorum Remigii et Hylarii et beatorum virginum Agnetis et Catharine atque omnium sanctorum Dei venerabili Petro Galtero Cornuto cathedram Senonensem regente viro religioso fratre Stephano existente priore de Caritate fratre Theodorico de Radolio priore et fratre Joanne de Montyon ejusdem ecclesie sacrista regnum Francorum regente Ludovico filio piissimi Ludovici qui de peregrinatione contra infideles Albigenses et de obsidione Avinionensi rediens vite laudabilis cursu peracto apud Montem Pancerum spiritum reddidit creatori possidente Firmitatem Anculphi nobilissima domina Margarita nomine dotis defuncti mariti sui domini Hugonis de Oysi pie memorie cujus corpus sepultum fuerat in hac ecclesia ante maius altare antequam dedicaretur et requieverat per quadraginta et unum annos quando extractum ab ecclesia pro dedicatione facienda sicut decet et celebrata dedicatione reportatum fuit in ecclesiam et ab episcopis superius nominatis inhumatum cujus anima requiescat in pace Amen