Charter Document - 02120103
| Charter Number: | 02120103 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1225 |
| Date type: | Internal, A.D. |
| Resource Link(s): |
|
Charter:
Ego Mathildis comitissa Nivernensis notum facio presentibus et futuris quod ego ob remedium anime mee et antecessorum meorum pro damnis et injuriis que feci et fieri mandavi monachis de Charitate et rebus suis in obsidione ville Caritatensis et alibi dono quitto et concedo Deo et beate Marie de Charitate et monachis ibidem Deo servientibus omnes justitias et districtus si quos habeo vel habere possum in villis terris granchiis domibus et aliis locis suis quibuscunque in toto comitatu meo Nolens quod inter me seu successores meos et ipsos monachos discordia de cetero oriatur occasione justitiarum aliquarum Preterea concedo ipsis et confirmo laudo et approbo omnes cartas predecessorum meorum et me et successores meos in perpetuum observare promitto et ad hec me et heredes meos obligo et astringo Actum anno gratie millesimo ducentesimo vicesimo quinto mense septembri