Charter Document - 02120074
| Charter Number: | 02120074 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Royal |
| Charter Type(s): | Ratification |
| Date: | 1177 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Ludovicus Dei gratia Francorum rex Noverint universi presentes pariter et futuri Vuillermum de Garlanda monasterio Sancte Marie de Charitate pro remedio anime fratris sui Roberti ibidem sepulti et antecessorum suorum in eleemosynam contulisse centum solidos annuatim in pedagio de Bunziis recipiendos Noverit etiam presentium futurorumque universitas Drogonem de Merloto predicti Roberti fratrem pro eodem Roberto Mintriaci de rogatione sua presente et consentiente Vuillermo de Merloto de cujus feodo redditus iste movebat prefato monasterio centum similiter solidos assignasse singulis annis ibidem reddendos quod et nos concedentes ratumque perpetuo volentes observari idem scripto commendari et sigilli nostri authoritate fecimus communiri Actum Parisiis anno ab incarnatione Domini millesimo centesimo septuagesimo septimo astantibus in palatio nostro quorum nomina subposita sunt et signa S comitis Theobaldi dapiferi nostri S Guidonis Buticularii S Rainaldi camerarii S Radulfi constabularii