Charter Document - 02120063
| Charter Number: | 02120063 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Royal |
| Charter Type(s): | Restitution |
| Date: | 1170 |
| Date type: | Assigned |
| Resource Link(s): |
|
Charter:
Ludovicus Dei gratia Francorum rex Stephano venerabili eadem gratia Eduensium episcopo amico et fideli nostro et universi ecclesie capitulo salutem et gratiam nostram Scitote quoniam ecclesia de Charitate de predecessorum nostrorum beneficiis est fundata et a nobis precipue debet esse sustentata unde discretionem vestram rogamus in Domino ut et vos eam diligere studeatis et honorare neque in aliquo detrimentum pati permittatis neque minuere Preterea vobis mandamus et obnixe rogamus ut quod etiam dominus Papa dignatus est vobis injungere ipsius et nostri gratia minime differatis ad effectum perducere videlicet quod eam de ecclesia de Ulmo investiatis de qua sine judicio spoliata est sicut etiam nos et vos ipsi cognoscitis et ejusdem ecclesie scripta testificantur et confirmant testimonia Valete