Charter Document - 02120040
| Charter Number: | 02120040 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1100 |
| Date type: | Internal |
| Resource Link(s): |
|
Charter:
In nomine Patris et Filii et Spiritus Sancti amen Ego comes Domnus Henricus et uxor mea Domna Theresia Domini Regis Alfonsi filia facimus cartam per hujus scripture paginam vobis priori de Sancta Maria de Charitate et vestro conventui de illa ecclesia que vocitatur Sancti Petri de Ratis in qua ecclesia una cum uxore mea Domna Theresia primitus misimus fundamentum cum a longis retro temporibus esset heremita et derelicta Nos vero eam fecimus populari et sano animo et integra voluntate pro remedio animarum nostrarum et parentum nostrorum offerimus illam heremitam Sancte Marie de Charitate cum omnibus suis terminis et cum quantum ad jus nostrum pertinet ita ut prior de Charitate et conventus ejusdem habeant plenam potestatem faciendi in ea quidquid voluerint Verum quia in orationibus religiosorum virorum ibidem habitantium nos plurimum confidimus et in eorum collegio cum omnibus sanctis in die judicii ante tribunal Domini cupimus apparere Idcirco hoc parvulum munusculum Sancte Marie offerimus quatenus in diem judicii ipsa offerat nos et genus nostrum Jesu Christo filio suo ut ab ipso postmodum recipiamus mercedem eternam Damus siquidem et offerimus ecclesie Sancte Marie de Charitate omnes decimas de pane et vino et lino omnium regalium que habemus et que habere debemus ego et uxor mea domna Theresia a flumine Dorii ad flumen Mundeci quia nunquam eas ante persolvebamus similiter pro animabus nostris et parentum nostrorum Omnibus autem tam ex progenie nostra quam extranea qui hoc nostrum testamentum illesum conservaverint sit pax et veritas et anime eorum postmodum a Deo omnipotente recipiantur in eterna tabernacula amen Si forte aliquis ex progenie nostra vel extranea contra hoc nostrum testamentum venire voluerit et donationem nostram infringere contingat Deus omnipotens dentes eorum in ore ipsorum et molas eorum confringat et insuper a communione sanguinis et corporis Domini imposterum alienus existat et in inferno cum Juda Domini traditore perpetuas sustineat penas amen Facta carta testamenti et eleemosyne hujus mense martii apud Colimbriam erra MCXXXVIII Ego comes Domnus Henricus cum uxore mea Domna Theresia hanc cartam manibus nostris propriis roboravimus Qui presentes fuerunt et viderunt Regnerius presbyter notavit Fromarigus Goteris testis Arias judex testis Artaldus testis Anno filius suus testis