Charter Document - 02120034
| Charter Number: | 02120034 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1088 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Noverit fidelium sacra posteritas quoniam ego Hugo Luperciacensis iturus Hierosolymam Deo et Sancte Marie de Charitate sibique servientibus monachis pro anime mee meeque conjugis simulque parentum et antecessorum meorum perpetua salutis obtinenda felicitate perpetuo jure sicut post obitus mei diem totum ex integro eisdem monachis longe ante mansum de Charliaco contuleram Sic ad presens et deinceps preter domum eis me defuncto totius ejusdem predii affuturum mansi hujus dimidium in vita mea possidendum concedo cum cunctis appenditiis suis absque ulla retentione ut etiam post mei decessum ab hac luce aliud dimidium mansi ejusdem irrefragabiliter possideant Actum publice in capitulo Sancte Marie de Charitate presentibus Iterio de Saxiaco et Adam de Cresno positumque super altare ejusdem ecclesie coram istis qui affuerunt ab eodem Hugone Andrea piscatore Roberto Minvello Ebrardo de Duno Constantio Sutore cum conventu et populo Confirmatum quoque Nivernis civitate laudante et concedente hoc donum tam vite quam obitus sicut et in hac et in alia prioris doni carta continetur ejusdem uxore Adelaisa in camera Rainaldi de Saugeto Nivernensi canonico presentibus Gaufredo de Galiaco Galnerio et Rogerio de Luperciaci castro Abone quoque de Botugla et Rodolfo de Bosco aliisque pluribus tempore sancte quadragesime anno ab Incarnatione Domini millesimo octogesimo octavo regnante Philippo Francorum rege