Charter Document - 02120032
| Charter Number: | 02120032 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1089 |
| Date type: | Internal, A.D., Regnal |
| Resource Link(s): |
|
Charter:
In nomine sanctæ et individuæ Trinitatis Patris Filii et Spiritus Sancti amen Noverit fidelium sacra posteritas quoniam conventio hæc ab Humbaldo Blanco ejusque fratre Aganone cum monachis Sanctæ Mariæ de Charitate facta est ut quidquid deinceps in potestate Polliaci acquisierint eisdem monachis per medium tam in casatis quam in terris sive redditibus diversis partiantur Similiter iidem monachi præter eam partem quam ibidem retroactis temporibus ea tenus possedisse absque calumnia dignoscuntur medietatem predictis fratribus Umbaldo scilicet et Aganoni quidquid in eadem potestate acquirere poterunt divident Si quid inde pecunia comparandum fuerit dimidium illi dimidium persolvent et monachi In hujus autem conventionis placito Umbaldus idem Constantium de villa Brocheni præsentialiter præfatis sanctæ Mariæ monachis ipsiusque Constantii uxorem cum filiis tradidit et post sui obitum Rainaldum de Nivernis cum uxore et filiis possidendum jure perenni concessit Ut vero Aganonem Humbaldi fratrem obire contigerit possessionis dimidium quam in eadem potestate Agano idem habere videtur monachorum juri et dominio perenni accedere laudavit Umbaldus atque concessit Unde testes habentur qui affuerunt Bernardus Bonvassal Hugo de Suliaco Abo de Domnopetro Burdinus prepositus Castrinovi ejusque frater Gosbertus Actum publice apud Domnum petrum super Nebram sub præsentia domni Vuilenci prioris de Charitate et Ludovici monachi anno ab Incarnatione Domini millesimo octuagesimo nono regnante Philippo anno vicesimo nono Quod etiam postmodum confirmatum est apud Sanctam Mariam de Charitate presentibus Artaldo de Moncellis Herveo Leterici pagani filio Vualterio Rabustel Adelelmo et Archimbaldo famulis Vualterio de Polliaco atque Gaufredo cum aliis