Charter Document - 02120026
| Charter Number: | 02120026 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1325 |
| Date type: | Internal, A.D. |
| Resource Link(s): |
|
Charter:
Petrus miseratione divina Autissiodorensis episcopus universis presentibus et futuris presentes litteras inspecturis salutem in domino sempiternam Cum parrochialis ecclesia beate Marie de Charitate nostre diocesis polluta propter violentam sanguinis effusionem factam a Joanna uxore Joannis dicti Borbon in persona Benevente uxoris Hugonis dicti Le Gras reconciliatione indigeret et ad requisitionem curati dicte ecclesie et amicorum delinquentis predicte permittentibus religiosis dicti loci nosque ad hoc specialiter invitantibus et nobis aditum ipsius ecclesie prestantibus graciose et accessum ad dictam ecclesiam causa reconciliationis predicte declinavimus Notum vobis facimus quod propter actum hujusmodi reconciliationis non intendimus sicut nec debemus privilegiis immunitatibus libertatibus et exemptionibus dictorum religiosorum in aliquo derogare nec aliquod jus possessorium vel petitorium in ipsos religiosos seu ecclesiam predictam propter hoc acquirere nec intendimus apostolicis privilegiis eorumdem in aliquo contra ire Immo quantum in nobis est privilegia immunitates libertates et exemptiones eorumdem inviolata illibata et incorrupta perpetuo volumus remanere Et hec omnibus quorum interest vel intererit quomodo libet in futurum tenore presentium literarum nostro communitarum sigillo intimamus Datum et actum in villa de Charitate predicta die decima tertia mensis julii anno Domini millesimo trecentesimo vicesimo quinto