Charter Document - 02120025
| Charter Number: | 02120025 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1115 |
| Date type: | Assigned |
| Resource Link(s): |
|
Charter:
Alanus Dei gratia Autissiodorensis episcopus venerabili fratri Rainaldo priori de Charitate et fratribus ibidem sub patrocinio sancte Dei genitricis Marie degentibus salutem in domino et benedictionem Omni studio tranquillitatis vestre et pacis curam gerentes nec minus futuris quam presentibus providentes opportune in nulloque dilectionem vestram cujusquam violenta exactio perturbare et inquietare presumat in quantum [domino miserante] valemus tam vos quam vestros presentis decreti authoritate munire curamus Confirmamus igitur vobis quecunque de beneficio nostro hoc est ecclesia Sancti Stephani Autissiodorensis temporibus predecessorum nostrorum ecclesiam vestram adeptam fuisse et possidere tempus nostre ordinationis invenit Ecclesias videlicet cum appenditiis suis que in nostra parochia existunt seu terras seu decimas ecclesiarum ut omnia firma et intemerata vobis vestrisque successoribus in eternum permaneant Similiter et illas ecclesias quas nostro tempore Domino inspirante vobis per nos dari contigit et quoniam tam gloriose virginis amore rapimur cui vos attentius deservire vovistis superaddimus ut ecclesiarum decimas de jure similiter Sancti Stephani quas licet injuste laici tenent ab ipsis vobis relinqui contigerit nostre donationis assensus vobis non desit quatenus cum reliquis quas possidetis liceat vobis in pace possidere Ecclesiarum vero nomina quibus vos investitos reperimus hec sunt apud Bonniacum Sancti Petri et Sancti Aniani Apud dominam Mariam Sancte Marie et Sancti Amatoris Apud Balbiniacum Sancti Stephani Apud Septem Fontes Sancti Petri Apud Conam Sancti Aniani Apud Poliacum Sancti Petri Apud Mevam Sancti Juliani Apud Beluciacum Sancti Martini Apud Narciacum Sancti Marcelli Apud Varennam Sancti Martini Juxta Varennam Sancti Sylvani Apud Domnumpetrum Sancti Petri Apud Murliacum Sancti Martini In bosco Britannie Sancti Vincentii Apud Castrum novum Sancti Symphoriani Apud Suliacum Sancti Symphoriani Juxta Suliacum apud Virgultam Sancti Germani et Sancti Aniani Apud Manniacum Sancti Petri Apud Aonam Sancte Marie Apud Colongias super Ioniam Sancte Marie Apud Parrer Sancte Marie Apud Nanvinam Sancti Symeonis Apud Aliniacum Sancti Saturnini Apud Festiniacum Sancti Cyrici Apud Cren Sancti Stephani Ecclesiam de Vi Sancti Stephani Apud Megnas Sancti Martini Apud Cellam Sancti Juliani Apud Rocam fortem Item decimam de Lorento que tempore episcopatus nostri vobis me concedente donata est jure perpetuo vobis confirmo possidendam