Charter Document - 02120006

Anastasius episcopus servus servorum Dei dilectis filiis nostris priori sancti Juliani de Sezanna ejusque fratribus tam presentibus quam futuris regularem vitam professis inperpetuum Quoniam sine vere cultu religionis nec charitatis unitas potest subsistere nec Deo gratum exhibere servitium expedit apostolica authoritate religiosas personas diligere et earum quieti et utilitati auxiliante domino salubriter providere Ea propter dilecti in domino filii vestris postulationibus clementer annuimus et predictam ecclesiam sancti Juliani de Sezanna in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quascunque possessiones quecunque bona eadem ecclesia impresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis In castro eodem ecclesiam Sancte Marie ecclesiam Sancti Petri et ecclesiam Sancti Nicolai cum pertinentiis suis et decimam ipsius castri Quidquid habetis ex dono Stephani comitis et Adile comitisse uxoris ipsius Ecclesiam de Vualer comitis cum appenditiis suis Totam decimam campi Guidonis Ecclesiam de Sclavella cum appenditiis suis et medietatem decime ipsius ville et censum Atrii Decimam de sancto Martino de Bucenciaco Decimam de sancto Remigio Decimam de Angleura et censum Atrii Decimam de Soogne totam et censum Atrii Medietatem decime de Tachis Decimam de Trefex Decimam de Verseio Decimam de Castellione Totam piscationem aque de Marenciaco Censum quem habetis Provini et medietatem furni Villam de Saulz cum appenditiis suis Domum de Grangiis cum pertinentiis Alodium de Mesueio Molendinum sancti Juliani Molendinum de Bernardo Molendinum de Prato Molendinum de Cleto Molendinum de Chesia Molendina de Varciaco Triginta sextaria frumenti molendini Longuiardi et piscaturam Molendinum de Crosleriis Preterea liceat vobis in ecclesiis quas tenetis secundum decretum predecessoris nostri bone memorie Urbani pape secundi sacerdotes eligere et episcopis in quorum parochiis site sunt presentare qui si idonei fuerint animarum curam ab ipsis suscipiant eisque de plebis cura respondeant vobis vero pro rebus temporalibus ad ipsum monasterium pertinentibus debitam subjectionem exhibeant Ad hec adjicientes statuimus ut ecclesie vestre et cimiteria ab omni episcoporum exactione sint libera preter consuetam episcopi et justitiam in presbyteros qui adversus sui ordinis dignitatem offenderint Decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu quibuslibet vexationibus fatigare Sed omnia integra conserventur eorum pro quorum gubernatione ac sustentatione concessa sunt usibus omnimodis profutura salva sedis apostolice authoritate et dioecesanorum episcoporum canonica justitia Si que igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisve sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Datum Laterani per manum Rolandi sancte Romane ecclesie presbyteri cardinalis et cancellarii xii Kalendarum aprilis indictione secunda Incarnationis Dominice anno MCLIII pontificatus vero domini Anastasii pape quarti primo anno