Charter Document - 02111035

Urbanus [] Cum igitur sicut accepimus ab aliquibus in dubium revocetur an hujusmodi statum et Ordinatio post dicti predecessoris obitum et presertim propter Clausulas que in litteris quas a Sede Apostolica quandoque impetrari contingit apponuntur perpetua debeant reputari Nos ad hujusmodi ambiguitatis tollendum dubium auctoritate Apostolica tenore presentium volumus premissa statutum et Ordinationem ac litteras fore perpetua et robur habere debere perpetue firmitatis quodque per litteras qualitercumque a Sede Apostolica impetratas et inantea impetrandas etiamsi in litteris ipsis expresse caveatur quod non obstantibus si Abbati et conventui dicti Monasterii vel quibusvis aliis communiter vel divisim ab eadem sit Sede indultum quod ad receptionem vel provisionem alicujus minime teneantur et ad id compelli non possint quodque de dignitatibus personatibus administrationibus vel Officiis aut aliis Beneficiis Ecclesiasticis ad eorum collationem provisionem presentationem electionem seu aliam dispositionem conjunctim vel separatim spectantibus nulli debeat provideri per litteras Apostolicas non facientes plenam et expressam ac de verbo ad verbum de indulto hujusmodi mentionem et qualibet alia dicte Sedis indulgentia generali vel speciali cujuscumque tenoris existat per quam presentibus non expressam vel totaliter non insertam effectus earum impediri valeat quomodo libet vel differri et de qua cujusque toto tenore habenda sit in litteris mentio specialis Ipsa Prioratus majoris Sacristie Decanatus Eleemosynarie et Archidiaconatus Officia seu eorum aliqua cum vacabunt per hujusmodi impetrantes acceptari non valeant nec de ipsis officiis possit eis quomodo libet provideri nisi in eisdem litteris de premissis statuto et ordinatione dicti predecessoris et hujusmodi voluntate nostra specialis et expressa ac de verbo ad verbum habeatur mentio et insuper irritum decernimus et inane quidquid contra premissa a quoquam quavis auctoritate scienter vel ignoranter contigerit attentari Nulli ergo [] Datum Massilie VII Kalendas Octobris Pontificatus nostri anno VI