Charter Document - 02110056

Innocentius Episcopus servus servorum Dei ad perpetuam rei memoriam Dum ad uberes fructus quos Cluniacensis Ordo in domo Domini plantatum in dies cum ubertate producit nostre considerationis intuitum dirigimus non immerito circa illa Ministerii nostri partes interponimus per que Ordo predictus et illi concessa privilegia in suis vigore et firmitate valeant permanere Dudum siquidem cum Privilegia Ordinis Cluniacensis et inter cetera quod illius Prioratus et alia Beneficia nullis nisi S R Ecclesie Cardinalibus aut Ordinem ipsum expresse professis commendari possent et aliter facte Commende viribus carerent per quosvis predecessores nostros Rom Pontifices seu Sedem Apostolicam quomodolibet concessa auctoritate Apostolica per quasdam alias nostras litteras ap probavissemus et confirmavisse mus inter cetera per easdem litteras statuimus et ordinavimus quod si contingeret nos aut Romanum Pontificem pro tempore existentem aut Sedem predictam Beneficia dicti Ordinis aliis personis quam dicti Ordinis commendare et Privilegiis predictis ad effectum hujusmodi Commende derogare tunc Commenda hujusmodi effectum sortiretur si ad id Abbatis Monasterii Cluniacensis dicti Ordinis Capitis Matisconensis Dioecesis pro tempore existentis expressus accederet assensus prout in eisdem litteris nostris plenius continetur Cum autem sicut exhibita nobis nuper pro parte dilectorum filiorum moderni Abbatis et conventus dicti Monasterii petitio continebat negotia dictum Ordinem tangentia maxime ubi de illius prejudicio tractatur sine consensu Conventus ejusdem Monasterii expediri non consueverint pro parte Abbatis et Conventus predictorum nobis fuit humiliter supplicatum ut in premissis opportune providere de benignitate Apostolica dignaremur Nos igitur qui dictum Ordinem pre ceteris Ordinibus in visceribus charitatis et dilectionis nostre retinemus ac pro illi concessorum Privilegiorum conservatione quantum cum Deo possumus nostri Ministerii partes libenter impertimur hujusmodi supplicationibus inclinati auctoritate Apostolica predicta statuimus et ordinamus quod ad hoc ut Commende de dicti Ordinis Beneficiis per nos aut Romanos Pontifices pro tempore existentes faciende alias juxta litterarum nostrarum predictarum tenorem effectum sortiantur etiam Conventus predicti Monasterii Cluniacensis expressus accedere debeat assensus Alioquin Commende hujusmodi pro tempore faciende effectum [ut premittitur] sortiri nequeant non obstantibus constitutionibus et ordinationibus Apostolicis ceterisque contrariis quibuscumque Nulli ergo [] Datum Rome apud Sanctum Petrum anno Incarnationis Dominice millesimo quadringentesimo octuagesimo octavo IV Kalendas Aprilis Pontificatus nostri anno IV