Charter Document - 02110055

Innocentius Episcopus servus servorum Dei dilectis filiis universis Abbatibus Decanis Monachis Et aliis quibuslibet personis Cluniacensis Ordinis salutem et Apostolicam benedictionem alias ex certis tunc expressis causis per quasdam nostras litteras Apostolica authoritate statuimus et ordinavimus quod confessor idoneus de Ordine vestro Cluniacensi qui quemlibet vestrum et familiarium vestrorum qui ad Capitula generalia Ordinis prefati dum pro tempore celebrabuntur accesserint duxerit eligendum confessionibus vestrum et eorum diligenter auditis Vos et eorum quemlibet ab omnibus excommunicationis suspensionis et interdicti aliisque censuris et ponis Ecclesiasticis quavis occasione latis quibus Vos ac familiares predicti ad Capitula ejusmodi generalia pro tempore accedentes et in illis ratione Capitulorum generalium aut servitiorum vestrorum interessentes essetis et illi essent innodati necnon a commissis per Vos et eorum quemlibet criminibus et peccatis quibuscumque etiam Sedi Apostolice reservatis annis singulis quoties in dicto Capitulo generali inter essetis et illi interessent semel dumtaxat cujuslibet eorumdem annorum absolvere nec non Vobis et eis penitentiam salutarem injungere ac tunc et in mortis articulo omnium peccatorum vestrorum et eorum de quibus Vos et illi corde contriti et ore confessi essetis plenariam remissionem nec non omnes et singulas indulgentias per predecessores nostros Romanos Pontifices Christi fidelibus personaliter annis Jubilei Romam venientibus et ecclesias ad hoc statutas visitantibus concessas Vobis et illis sub certo modo et forma tunc expressis impendere valeret prout in eisdem litteris plenius continetur Cum autem sicut accepimus pro eo quod in dictis litteris de aliis religiosis et conversis donatis ac Officiariis et servitoribus Monasteriis Cluniacensis in ipso Monasterio ac illius Domibus et grangiis ejusdem tempore Capituli generalis hujusmodi pro tempore existentibus necnon Prioribus et religiosis ejusdem Ordinis infirmis ac decrepitis qui ad predicta Capitula generalia venire tenentur et propter infirmitatem seu senium aut alias legitime impediti vel ad veniendum impotentes ad predicta Capitula generalia accedere nequeunt nulla mentio facta extitit ab aliquibus reducatur in dubium an etiam ipsi effectu statuti et ordinationis predictorum gaudere debeant Nos ad hujusmodi ambiguitatis dubium tollendum ac alias in premissis opportune providere volentes auctoritate Apostolica per presentes declaramus omnes et singulos religiosos donatos conversos ac Officiarios et servitores dicti Monasterii Cluniacensis ac in illo et illius domibus et grangiis tempore Capituli generalis pro tempore existentes effectu statuti et ordinationis predictorum ad effectum consecutionis omnium predictarum indulgentiarum gaudere posse et debere alias juxta tenorem litterarum nostrarum predictarum easdemque litteras statuti et ordinationis predictorum cum omnibus aliis et singulis in eis contentis clausulis ad Priores et Religiosos ejusdem Ordinis infirmos decrepitos et impotentes qui ad Capitulum generale venire tenentur et infirmitatibus senio vel alio quomodolibet impediti ad Capitulum predictum venire seu etiamsi ad illud accesserint in illo personaliter interesse non potuerint extendimus per presentes non obstantibus constitutionibus et ordinationibus Apostolicis nec non omnibus illis que in prefatis litteris volumus non obstare ceterisque contrariis quibuscumque Datum Rome apud sanctum Petrum sub annulo piscatoris die XIX Martii anno MCDLXXXVIII Pontificatus nostri anno IV