Charter Document - 02110054

Innocentius Episcopus servus servorum Dei ad perpetuuam rei memoriam Etsi sedes Apostolica singulos ordines in militanti Ecclesia institutos ex ejusdem Sedis assueta benignitate specialibus gratiis prosequatur ad Ordinem tamen Cluniacensem pre ceteris in eadem Ecclesia velut lapidem pretiosiorem et splendidiorem dignioribus prerogativis communivit ut exinde provenientes fructus in ubertate benedicente Domino concrescant Unde in ipsius Sedis culmine disponente Domino licet insufficientibus meritis constituti cupientes plantatos in ipso Ordine palmites fructum afferre ad Religionis propagationem Christi fidelium devotionem et animarum salutem cum expedire cognoscimus singulis dicti Ordinis personis prefate Ecclesie thesauros qui propterea non minuuntur de omnipotentis Dei misericordia liberaliter impartimur Attendentes igitur in capitulis Generalibus ejusdem Ordinis que juxta illius instituta celebrantur et que ad Monasteriorum et Prioratuum aliorumque locorum ejusdem Ordinis et illorum personarum reformationem correctionem et visitationem pertinent tractant laudabiles consuetudines instituuntur et quo persone ipse possint quietius altissimo famulari providetur quodque nisi hujusmodi Capitula generalia prout laudabiliter et provide instituta sunt fierent institutiones Regulares brevi tempore in oblivionem transirent et non solum ejusdem Ordinis Monasteria et loca sed ipse ordo penitus destituerentur ut singule persone dicti Ordinis pro hujusmodi Regularibus institutis observandis eo libentius ad prefata Capitula generalia dum celebrantur accedant quo etiam se cognoverint specialibus prerogativis spiritualibus premunitas adinstar pie memorie Sixti Pape IV etiam Predecessoris nostri qui hoc idem Cisterciensis Ordinis Monachis per quandam supplicationem desuper ei porrectam et cujus solam signaturam absque aliarum litterarum confectione sufficere voluit concessit auctoritate Apostolica tenore presentium Statuimus et Ordinamus quod Confessor idoneus de Ordine predicto Cluniacensi quem quilibet Abbatum Priorum Decanorum Monachorum aliarumque personarum quarumlibet prefati Cluniacensis Ordinis eorumque familiarium qui ad Capitula generalia ejusdem Ordinis Cluniacensis dum pro tempore celebrabuntur accesserint duxerit eligendum Confessionibus eorum diligenter auditis ipsos et eorum quemlibet ab omnibus et singulis excommunicationis suspensionis et interdicti aliisque Ecclesiasticis sententiis censuris et ponis a jure vel ab homine quavis occasione vel causa latis quibus quomodolibet ipsius Ordinis Cluniacensis Abbates Priores Decani Monachi ac persone et familiares prefati ad Capitula generalia hujusmodi pro tempore accedentes et in illis ratione Capitulorum generalium aut servitiorum Abbatum Decanorum Monachorum et Personarum ejusdem Ordinis interessent es erunt innodati seu aliquis eorum erit innodatus necnon a commissis per eorum quemlibet criminibus excessibus peccatis et delictis quibuscumque quantumcumque enormibus etiamsi talia fuerint propter que Sedes Apostolica merito foret consulenda annis singulis quoties in dicto Capitulo generali semel dumtaxat cujuslibet eorumdem annorum absolvere ac eis necnon cuilibet eorum penitentiam salutarem injungere ac tunc et in mortis articulo omnium peccatorum suorum de quibus corde contriti et ore confessi fuerint plenariam remissionem necnon omnes et singulas indulgentias per Predecessores nostros Romanos Pontifices Christi fidelibus personaliter anno jubilei Romam venientibus et Ecclesias ad hoc statutas visitantibus concessas eis et cuilibet eorum ipsis in unitate fidei ac nostra et Successorum nostrorum Romanorum Pontificum canonice intrantium devotione persistensibus impendere valeat ita tamen quod si ipsis vel alicui eorum in aliqua infirmitate gravi constitutis remissio hujusmodi impendatur et mors inde non subsequatur nihilominus absoluti maneant et plenaria remissio hujusmodi in vero mortis articulo eis et cuilibet ipsorum impendi possit ac si alia non precessisset sic tamen quod idem Confessor de his de quibus fuerit alteri satisfactio impendenda eam ei vel eis ad quos spectabit faciendam injungat quam per se si supervixerint vel per alios si forte tunc transierint facere teneantur Et ne quod absit propter hujusmodi gratiam procliviores reddantur ad illicita committenda volumus quod si ex confidentia remissionis hujusmodi aliqua forte predicti Monachi vel persone committerent quoad illa predicta remissio eis nullatenus suffragetur non obstantibus constitutionibus et Ordinationibus Apostolicis ac dicti Ordinis juramento confirmatione Apostolica vel quavis firmitate alia roboratis Statutis et consuetudinibus ceterisque contrariis quibuscumque Nulli ergo [] Datum Rome apud sanctum Petrum anno Incarnationis Dominice millesimo quadringentesimo octuagesimo septimo VIII Idus Aprilis Pontificatus nostri anno III