Charter Document - 02110049
| Charter Number: | 02110049 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Religious |
| Charter Type(s): | |
| Date: | 1435 |
| Date type: | Internal, A.D., Calendar |
| Resource Link(s): |
|
Charter:
Sacrosancta Generalis Synodus Basiliensis in spiritu sancto legitime congregata universalem Ecclesiam representans dilectis Ecclesie filiis Abbati et conventui Monasterii Cluniacensis Matisconensis Dioecesis salutem et omnipotentis Dei benedictionem Cum a nobis petitur quod justum est et honestum tam vigor equitatis quam ordo exigit rationis ut id per sollicitudinem officii nostri ad debitum perducatur effectum Ea propter dilecti Ecclesie filii vestris justis postulationibus grato concurrentes assensu omnes libertates et immunitates prerogativas indulgentias et privilegia ac indulta a Romanis Pontificibus per litteras Apostolicas vobis et Monasterio vestro predicto ac membris ejusdem concessas necnon libertates exemptiones et salva gardias secularium exactionum a quibuscumque dominis imperatoribus regibus principibus vel aliis Christi fidelibus rationabiliter vobis et Monasterio vestro predicto et membris ejusdem indultas sicut ea juste et pacifice possidetis auctoritate nostra confirmamus ac presentis scripti patrociuio communimus Nulli ergo omnino hominum liceat hanc paginam nostre confirmationis et commonitionis infringere vel ei ausu temerario contraire Si quis autem hoc attentare presumpserit indignationem omnipotentis Dei et universalis Ecclesie ejus se noverit incursurum Datum Basilee XI Kalendas Martii anno a nativitate Domini millesimo quadringentesimo tricesimo quinto signatum Ja de Loysi