Charter Document - 02110048
| Charter Number: | 02110048 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Religious |
| Charter Type(s): | |
| Date: | 1416 |
| Date type: | Internal, A.D., Calendar |
| Resource Link(s): |
|
Charter:
Sacrosancta et Generalis Synodus Constantiensis dilectis Ecclesie filiis Abbati et conventui Monasterii Cluniacensis Matisconens Dioecesis salutem et omnipotentis Dei benedictionem Cum a nobis petitur quod justum est et honestum tam vigor equitatis quam etiam Ordo exigit rationis ut id per sollicitudinem Officii nostri ad debitum perducatur effectum Ea propter dilecti in domino filii vestris justis postulationibus grato concurrentes assensu personas vestras et Monasterium vestrum Cluniacense in quo divino estis obsequio mancipati cum omnibus bonis que impresentiarum et rationabiliter possidetis aut infuturum justis modis prestante Domino poteritis adipisci sub beati Petri protectione suscipimus atque nostra necnon omnes libertates et immunitates a Romanis Pontificibus sive per privilegia vel alias indulgentias vobis et eidem Monasterio vestro concessas ac libertates et exemptiones secularium exactionum a regibus Principibus et aliis Christi fidelibus rationabiliter vobis et prefato Monasterio vestro indultas cum pertinentiis suis sicut ea omnia juste et pacifice possidetis vobis et per vos eidem Monasterio vestro auctoritate nostra confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis ac commonitionis infringere vel ei ausu temerario contraire Si quis autem hoc attentare presumpserit indignationem omnipotentis Dei et Beatorum Petri et Pauli Apostolorum ejus se noverit incursurum Datum Constantie VI Kal Julii anno a nativitate Domini millesimo quadringentesimo sexto decimo Apostolica Sede vacante sic signatum Joannes Grasseti