Charter Document - 02110044
| Charter Number: | 02110044 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1382 |
| Date type: | Internal, Calendar, Papal |
| Resource Link(s): |
|
Charter:
Clemens Episcopus servus servorum Dei ad perpetuam rei memoriam Dudum dilectus filius Jacobus Abbas Monasterii Cluniacensis Dioecesis Prioratum de Tincto Cluniacensis Ordinis Viennensis Dioecesis Monasterio sancti Martialis Avenionensis dicti Ordinis Authoritate Apostolica imperpetuum incorporavit et univit Itaque cedente vel decedente Priore dicti Prioratus qui tunc erat liceret illi qui eidem Monasterio pro tempore preesset corporalem possessionem dicti Prioratus apprehendere nancisci et perpetuo retire Cum tamen postmodum venerabilis frater noster Anglicus Episcopus Albanensis qui dictum Prioratum ex concessione et dispensatione Sedis Apostolice tunc temporis obtinebat cupiens incorporationem et unionem hujusmodi suum effectum debitum sortiri Prioratum prefatum in manibus nostris libere resignaverit nosque resignationem hujusmodi Authoritate predicta duxerimus admittendam Nos ne de premissis hesitari valeat illa fecimus presentibus annotari Nulli ergo omnino hominum liceat hanc paginam nostre annotationis infringere vel ei ausu temerario contraire Siquis autem hoc attentare presumpserit indignationem omnipotentis Dei et beatorum Petri et Pauli Apostolorum ejus se noverit incursurum Datum Avenione octavo Kalendas Decembris Pontificatus nostri anno quinto Hic jacet D Petrus Rigaud qui obiit MDLX xviii Iulii quondam supprior hujus loci Hec leguntur sculpta super tumba lapidea posita in medio chori Ecclesie Collegii sancti Martialis Avenionensis prope ingressum presbyterii