Charter Document - 02110043

Clemens Episcopus servus servorum Dei ad perpetuam rei memoriam Apostolice Sedis providentia circunspecta nonnunquam gesta per eam revocat et immutat prout varietatibus temporum et commoditatibus subditorum id conspicit salubriter et utiliter expedire Dudum siquidem dilecto filio Iacobo Abbati Monasterii Cluniacensis Matisconensis Dioecesis uniendi et incorporandi auctoritate Apostolica cum consilio venerabilis fratris nostri Petri Archiepiscopi Arelatensis Camerarii nostri Monasterio S Martialis Avenionensis dicti Ordinis tot Prioratus seu alia beneficia Ecclesiastica dicti Ordinis quod eorum fructus redditus et proventus mille florenorum auri valorem annuum non excederent annuatim per meas litteras concessimus facultatem et deinde sicut exhibita nobis nuper pro parte dicti Abbatis petitio continebat idem Abbas Prioratum de Tincto dicti Ordinis Viennensis Dioecesis dicto Monasterio S Martialis ipsius Petri Archiepiscopi accedente consilio hujusmodi vigore dictarum litterarum univit et etiam incorporavit et subsequenter nos unionem et incorporationem hujusmodi ex certis causis revocantes eumdem prioratum mense Abbatiali Monasterii sancti Ruffi extra muros Valentinenses Ordinis sancti Augustini univimus et incorporavimus Nos igitur certis ex causis ad hoc moti pariter et inducti unionem et incorporationem hujusmodi de dicto prioratu de Tincto eidem mense Abbatiali per nos ut premittitur factas et quecunque inde secuta Authoritate predicta ex certa scientia penitus revocamus cassamus irritamus annullamus et nullius esse decernimus roboris vel momenti et insuper unionem et incorporationem predictas de dicto prioratu quem nuper venerabilis frater M Anglicus Episcopus Albanensis tunc eumdem Prioratum ex concessione et dispensatione Apostolice Sedis obtinens manibus nostris resignavit per eumdem Abbatem factus ut prefertur et quecunque inde secuta in eo statu in quo erant ante revocationem unionem et incorporationem hujusmodi per vos ut premittitur factas eadem Authoritate reducimus per presentes ac unionem hujusmodi de dicto Prioratu eidem Monasterio sancti Martialis ut prefertur factum effectum sortiri volumus et etiam ordinamus decernentes ex nunc irritum et inane quidquid in contrarium a quoquam quavis Authoritate scienter vel ignoranter contigerit attentari constitutionibus Apostolicis ac statutis et consuetudinibus Monasteriorum et ordinum predictorum contrariis juramento confirmatione Apostolica vel quacunque firmitate alia roboratis non obstantibus quibuscunque Nulli ergo omnino hominum liceat hanc paginam nostre revocationis cassationis irritationis annullationis reductionis voluntatis ordinationis ac constitutionis infringere vel ei ausu temeratio contraire Si quis autem hoc attentare presumpserit indignationem omnipotentis Dei et beatorum Petri et Pauli Apostolorum ejus se noverit incursurum Datum Avenione duodecimo Kalend Octobris Pontificatus nostri anno quarto Et Bullata Bulla plumbea impendente cum filis sericis crocei et rubei colorum cum hac inscriptione S Petrus S Paulus Clemens Papa VII