Charter Document - 02110039

Ioannes Episcopus servus servorum Dei dilectis filiis Abbati et universis Monachis conversis familiaribus servitoribus et Ministris Monasterii Cluniacensis Matisconensis Dioecesis salutem et Apostolicam dilectionem Provenit ex vestre devotionis affectu quo nos et Romanam Ecclesiam reveremini ut petitiones vestras illas presertim que animarum vestrarum salutem respiciunt ad exauditionis gratiam admittamus Hinc est quod nos vestris supplicationibus inclinati ut Confessor quem quilibet vestrum et etiam singuli Monachi conversi familiares servitores et ministri necnon alii qualescumque in Monasterio Cluniacensi Matisconensis Dioecesis decedentes hinc ad viginti ac etiam Cluniacensis Ordinis professores quicumque quod singulis Generalibus Capitulis dicti Ordinis hinc ad decem annos a Data presentium computandos in dicto Monasterio celebrandis pro tempore interesse contigerit illorumque inibi familiares servitores et ministri pro tempore duxeritis eligendum omnium vestrorum ac suorum peccatorum de quibus vos et illi corde contriti et ore confessi fueritis semel tantum in mortis articulo plenam remissionem vobis ac illis in sinceritate fidei unitate sancte Romane Ecclesie ac obedientia et devotione nostris vel successorum nostrorum Romanorum Pontificum canonice intrantium persistentibus auctoritate Apostolica concedere valeat devotioni vestre tenore presentium indulgemus Sic tamen quod idem confessor de iis de quibus fuerit alteri satisfactio impendenda eam vobis per vos ac illis per se si super vixeritis vel per alios si tunc forte transieritis faciendam injungat quam vos vel illi facere teneamini ut prefertur Et ne quod absit propter hujusmodi gratiam reddamini procliviores ad illicita in posterum committenda volumus quod si ex confidentia remissionis hujusmodi aliqua forsitan commiseritis vos vel illi quoad illa predicta remissio vobis nullatenus suffragetur Nulli ergo [] Datum apud sanctum Antonium extra muros Florentinenses XIII Kalendas Novembris Pontificatus nostri anno IV