Charter Document - 02110038

Ioannes Episcopus servus servorum Dei ad perpetuam Rei memoriam Promptum ac benevolum libenter illis favorem impendimus in quorum habetur desideriis ut sub Religionis habitu devote Domino famulantes mereantur gloriam perpetue Claritatis Sane petitio pro parte dictorum filiorum Abbatis et conventus Monasterii Cluniacensis Matisconensis Dioecesis nobis exhibita continebat quod licet tam ipsi quam illi qui eos precesserunt hactenus in Monasterio predicto necnon aliis Regularibus locis Cluniacensis Ordinis Monachi sive professores etiam a tanto tempore cujus contrarii memoria non extat Dominicis et aliis quibus ab Ecclesia ejus Carnium interdictus non existit diebus quibuscumque refectionis causa Potagium eum carnibus preparatum sive decoctum et etiam unum potagium vulgariter nuncupatum cibum calidum de carnibus et ovis et pane confectum comedere consueverit in Refectoriis Monasterii ac locorum predictorum Nonnulli tamen ex Monachis et fratribus ipsis sibi in hoc scrupulum conscientie formant quasi illud obviet dicti Ordinis Regularibus institutis Quare pro parte eorumdem Abbatis et conventus nobis fuit humiliter supplicatum ut super hoc ipsis ac eisdem Monachis et fratribus salubriter consulere atque providere de bonitate Apostolica dignaremur Nos itaque hujusmodi supplicationibus inclinati consuetudinem predictam sicuti in Monasterio et aliis locis hujusmodi tamdiu observata extitit ut prefertur dummodo esus carnium hujusmodi Monachis et fratribus ipsis aut eorum alicui specialiter non fuerit interdictus auctoritate Apostolica tenore presentium approbamus Nulli ergo [] Datum apud sanctum Antonium extra Muros Florentinenses VIII Kalendas Octobris Pontificatus nostri anno IV