Charter Document - 02110032
| Charter Number: | 02110032 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1367 |
| Date type: | Internal, Calendar, Papal |
| Resource Link(s): |
|
Charter:
Urbanus Episcopus servus servorum Dei dilecto filio Abbati Monasterii Cluniacensis ad Romanam Ecclesiam nullo medio pertinentis Matisconensis Dioecesis salutem et Apostolicam benedictionem Exposcit tue devotionis sinceritas et Religionis promeretur honestas ut petitionibus tuis illis presertim que status tui et Monasterii Cluniacensis prerogativam et honorem respiciunt favorabiliter annuamus hinc est quod nos tuis in hac parte supplicationibus inclinati ut tu et successores tui Abbates dicti Monasterii qui erunt pro tempore tam in eodem Monasterio quam in Prioratibus et Ecclesiis sive locis tibi et eidem monasterio immediate subjectis infra metas tamen exemptionis Monasterii ejusdem consistentibus omnibus et singulis scholaribus volentibus Clericali charactere insigniri qui de locis hujusmodi oriundi fuerint primam tonsuram Clericalem conferre valeatis constitutionibus Apostolicis et aliis contrariis non obstantibus quibuscumque tibi et eisdem successoribus auctoritate Apostolica tenore presentium indulgemus Nulli ergo [] Datum Avenioni Kalendis Aprilis Pontificatus nostri anno V