Charter Document - 02110029
| Charter Number: | 02110029 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1362 |
| Date type: | Internal, Calendar, Papal |
| Resource Link(s): |
|
Charter:
Urbanus Episcopus servus servorum Dei dilecto filio Simoni Abbati Monasterii Cluniacensis Matisconensis Dioecesis salutem et Apostolicam benedictionem Devotionis tue sinceritas quam ad nos et Romanam geris Ecclesiam promeretur ut petitionibus tuis illis presertim que ad salutem et commodum animarum cedere valeant quantum cum Deo possumus favorabiliter annuamus Hinc est quod nos tuis devotis supplicationibus inclinati ut quotiescumque et ubicumque coram te et successoribus tuis Abbatibus Monasterii Cluniacensis qui erunt pro tempore in Missarum solemniis per Predicationis ministerium proponi contigerit publice verbum Dei hujusmodi proponens possit auctoritate Apostolica vere penitentibus et confessis ibidem presentibus sive proponens ipse Cluniacensis Ordinis professor sive alius cui tamen Officium predicationis competat fuerit quadraginta dies de injunctis eis penitentiis misericorditer relaxare Tibi et eisdem successoribus tenore presentium indulgemus Nulli ergo [] Datum Avenioni XIII Kalendas Januarii Pontificatus nostri anno primo