Charter Document - 02110025

Clemens Episcopus servus servorum Dei dilecto filio Hugoni Abbati Monasterii Cluniac ad Rom Ecclesiam nullo medio pertinentis Matisconensis Dioecesis salutem et Apostolicam benedictionem Exigit tue devotionis affectus quo nos et Romanam Ecclesiam revereris ut petitiones tuas quantum cum Deo possumus ad exauditionis gratiam admittamus Cum itaque sicut exhibita nobis tua petitio continebat pro necessariis Monasterii tui et aliis tibi incumbentibus negotiis multa te subire oporteat onera expensarum que non potes sine subditorum tuorum subsidio supportare Nos attendentes quod divisa in partes onera levius perferuntur ac equum reputantes et congruum ut persone tibi et Monasterio tuo subjecte tecum hujusmodi onera partiantur tuis supplicationibus inclinati ut ab omnibus et singulis Monasteriis Prioratibus Decanatibus administrationibus ac aliis locis et membris Cluniacensis Ordinis dicto Monasterio tuo mediate quocumque medio vel immediate subjectis aut alias de ipso Ordine quomodolibet existentibus et personis presidentibus in eisdem subsidium per te et dilectos filios quatuor ex Diffinitoribus generalis Capituli ejusdem Ordinis proxime celebrandi moderandum semel dumtaxat imponere exigere et recipere valeas pro dictis oneribus supportandis Non obstantibus felicis Recordationis Benedicti Pape XII predecessoris nostri et quibuslibet aliis constitutionibus seu statutis et consuetudinibus Monasterii Prioratuum et Decanatuum administrationum locorum et membrorum ac Ordinis predictorum contrariis necnon Privilegiis indulgentiis et litteris Apostolicis quibuscumque specialibus vel generalibus quorumcumque tenorum existant Abbatibus Prioribus Decanis Monasteriorum Prioratuum Decanatuum locorum et membrorum ipsorumque conventibus vel eorum alicui vel aliquibus aut quibusvis aliis communiter vel divisim sub quacumque forma vel expressione verborum concessis per que presentibus non expressa vel totaliter non inserta effectus earum impediri valeat quomodolibet vel differri et de quibus quorumque totis tenoribus de verbo ad verbum habenda sit in nostris litteris mentio specialis tibi tenore presentium de speciali gratia indulgemus Nulli ergo [] Datum Avenioni XV Kalendas Aprilis Pontificatus nostri anno V