Charter Document - 02110015

Ioannes Episcopus servus servorum Dei venerabili fratri Episcopo Ostiensi salutem et Apostolicam benedictionem Exposuit nobis dilectus filius Raymundus Abbas Monasterii Clun Ad Rom Ecclesiam nullo medio pertinentis Matisconensis Dioc Quod licet eumdem oporteat sibi et dilectis filiis Conventui ejusdem Monasterii de necessariis providere ac reliqua onera ejusdem Monasterii supportare et ad hec supportanda sufficientiam non habeat nisi cense vicesime ac cetera alia debita ad que Priores et persone Clun Ordinis tenentur sibi statutis temporibus persolvantur tamen nonnulli ex dictis Prioribus et personis absque rationabili causa censas vicesimas et alia debita hujusmodi sibi solvere renuunt et in diffugium non solvendi appellationes frivolas et alias insolitas cum ad hec solvenda juxta morem Ordinis coguntur passim ad Sedem Apostolicam interponunt propter quod idem Abbas ne talium appellationum pretextu contingat eumdem in censis vicesimis et reliquis juribus sibi debitis defraudati nobis humiliter supplicavit ut subvenire sibi super hoc de remedio opportuno curaremus Quorcirca fraternitatis tue per Apostolica scripta mandamus quatinus per te vel per alium seu alios predictis Prioribus et personis aliis quibuscumque ejusdem Ordinis ad tuam vel ejus seu eorum quibus id commiseris presentiam in Romana Curia vel extra etiam personaliter si expedire videris evocatis si summarie simpliciter et de plano sine strepitu et figura judicii constiterit de premissis dictos Priores et personas alias dicti Ordinis ad solvendum censas vicesimas et alia jura debita Abbati prefato per censuram Ecclesiasticam appellatione remota compellas Nonobstantibus quibuscumque appellationibus per eos vel aliquem seu aliquos eorumdem a processibus super his per dictum Abbatem seu alios occasione hujusmodi habitis ad dictam Sedem emissis seu felicis record Bonifacii Pape VIII predecessoris nostri qua cavetur ne aliquis extra suam civitatem et Diocesin nisi in certis exceptis casibus et in illis ultra unam dictam a fine sue Dioecesis ad judicium evocetur seu ne judices et conservatores a Sede deputati predicta extra civitatem et Diocesim in quibus deputati fuerint contra quoscumque procedere aut aliis vel aliis vices suas committere presumant et tam de duabus dietis in Concilio Generali quam felicis Reccordationis Clementis Pape V Qua cavetur quod Abbates occasione Prioratuum et locorum subditorum eisdem Auctoritate litterarum Sedis Apostolice non possint aliquem convenire nisi ubi et coram quibus Prioribus et Gubernatoribus Prioratuum et locorum ipsorum hoc liceret et quibuslibet aliis Constitutionibus a Predecessoribus nostris Romanis Pontificibus tam de personis ultra certum numerum per litteras dicte Sedis ad judicium non vocandis quam aliis editis que tue possent in hac parte jurisdictioni aut potestati ejusque libero exercitio quomodolibet obviare seu quod hujusmodi cause non sint de sui natura in dicta curia pertractande aut si aliquibus communiter vel divisim a predicta sit Sede indultum quod excommunicari suspendi vel interdici aut extra vel ultra ad judicium evocari non possint per litteras Apostolicas non facientes plenam et expressam ac de verbo ad verbum de indulto hujusmodi mentionem et qualibet alia dicte Sedis indulgentia generali vel speciali cujuscumque tenoris existat per quam presentibus non expressam vel totaliter non insertam tue jurisdictionis explicatio in hac parte valeat quomodolibet impediri et de qua cujusque toto tenore habenda sit in nostris litteris mentio specialis Datum Avenione Idibus Octobris Pontificatus nostri anno VI