Charter Document - 02110013

Clemens Episcopus servus servorum Dei dilectis filiis Abbati et conventui Monasterii Cluniacensi ad Romanam Ecclesiam nullo medio pertinentis Matisconensis Dioecesis salutem et Apostolicam benedictionem Licet Monasteria singula que Celestis Agricole mira benignitas in horto plantavit Ecclesie sinceris affectibus prosequamur tamen Monasterium vestrum Cluniacense eo amabilius gerimus in visceribus caritatis quo persone illius per opera Deo placita et accepta uberius nostrum et Apostolice Sedis gratiam promerentur Ex tenore quidem vestre petitionis accepimus quod felicis Recordationis Bonifacius Papa VIII predecessor noster ante sue promotionis honorem ad statum Apostolice dignitatis ad prefatum Monasterium vestrum cum ipsum per partes illas transitum facere contigisset causa devotionis accedens oculata fide perpendit et patentibus cognovit indiciis quod vos [filii conventus] multas sustinebatis penurias et indigentiarum onera gravia et defectus et demum eo ad culmen ejusdem dignitatis assumpto ex his et certis aliis causis et rationibus motus intendens vos ab hujusmodi penuriis et indigentiis relevare et eosdem supplere defectus tam propter hoc quam pro exoneratione Abbatum ejusdem Monasterii qui essent pro tempore statuit et etiam ordinavit perpetuis temporibus observandum ut quatuor millia librarum Turonensium parvorum de fructibus reditibus et proventibus aliquorum Prioratuum eidem Monasterio subjectorum annis percipienda singulis deputarentur omnino que per discretos aliquos et fideles ipsius Monasterii Monachos ad hoc ab Abbate Cluniacensi qui tunc erat et successoribus suis qui essent pro tempore deputandos integre colligi et percipi voluit et mandavit et ad hoc de Lehuno in sanguine terso de Nogento Retrodi et de Gacicuria de Gaya de Vergeyode Vendopera de Mostereto et de Marmissa de Turribus super Maternam de Carennaco de Moyraco de Roncenaco et de sancto Cosma Ambianens Carnotens Trecens Eduens Lingonens Remen Caturcens Agennens Petragoticens et Constantiens Diocesum Prioratus eidem Monasterio Cluniacensi subjectos cum omnibus Prioratibus domibus membris grangiis bonis juribus et pertinentiis eorumdem in quibuscumque Diocesibus constitutis ut de ipsorum fructibus reditibus et proventibus universis hujusmodi summa pecunie per illos qui super hoc essent [ut premittitur] deputati annis singulis perciperetur et colligeretur integre auctoritate Apostolica concessit donavit et etiam deputavit volens predecessor ipse quod dicti Prioratus appellarentur et haberentur extunc inantea Decanatus et quod Decanatus ipsi seu eorum fructus redditus et proventus ab omni decime et cujuslibet procurationis impositionis et subventionis prestatione essent exempti perpetuo et immunes penitus haberentur prout in privilegio dicti predecessoris vobis super iis concesso plenius dicitur contineri Nos igitur vestris supplicationibus inclinati privilegium ipsum ratum et gratum habentes illud auctoritate predicta ex certa scientia prout jacet ratificamus et etiam approbamus Nulli ergo [] Datum in Prioratu de Grausello prope Malausanam Vasionensis Dioecesis IV Idus Julii Pontificatus nostri anno VII