Charter Document - 02110010
| Charter Number: | 02110010 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1309 |
| Date type: | Internal, Calendar, Papal |
| Resource Link(s): |
|
Charter:
Clemens Episcopus servus servorum Dei dilecto filio Henrico Abbati Monasterii Cluniacensis ad Romanam Ecclesiam nullo medio pertinentis salutem et Apostolicam benedictionem Meritis tue Religionis inducimur ut te prosequamur gratia que necessitatibus tuis esse dignoscitur opportuna Sane petitio tua nobis exhibita continebat quod Monasterium tuum Cluniacense Romane Ecclesie immediate subjectum et letari statu prospero consuetum tanto debitorum onere ac aliis diversis incommodis pregravatur quod nisi succurratur eidem in bonis suis incurret ire recuperabile detrimentum Quare nobis humiliter supplicasti ut vigesimam partem omnium Proventuum et reddituum Monasteriorum Prioratuum et Domorum Cluniacensis Ordinis ipsi Monasterio Cluniacen mediate et immediate subjectorum necnon et aliarum Ecclesiarum officiorum et beneficiorum tam secularium quam regularium ad collationem seu presentationem tuam et aliorum Abbatum Priorum et conventuum ac aliarum personarum Ordinis memorati spectantium tibi pro exoneratione debitorum ipsorum benigne concedere dignaremur Nos autem qui predicto Monasterio quod favore prosequimur speciali affectu paterno compatimur tuis super hoc precibus benignius annuentes vigesimam partem omnium Proventuum et reddituum predictorum in solutionem debitorum ipsorum totaliter convertendam tibi usque ad quadriennium auctoritate presentium concedimus de gratia speciali dilectis filiis Abbate Monasterii Moysiacensis predicti Ordinis Caturcensis Dioecesis dicto Monasterio Cluniacensi immediate subjecti et Prioribus nullo mediante subjectis eidem Monasterio Moysiacensi dumtaxat exceptis ac concessione de vicesima parte reddituum ac Proventuum Monasteriorum et Prioratuum ac aliorum locorum dicti Ordinis quondam Bertrando Abbati dicti Monasterii Cluniacensis Predecessori tuo facta per Diffinitores dicti Ordinis in eorum Capitulo Generali in suo robore nihilominus permanente Nonobstantibus quibuslibet indulgentiis Apostolicis impetratis vel impetrandis cujuscumque tenoris existant per quas concessioni hujusmodi posset quomodolibet obstaculum interponi seu quibuslibet contrariis consuetudinibus vel statutis juramento confirmatione Sedis Apostolice seu quacumque alia firmitate vallatis Volumus autem quod si quis super premissis vocem appellationis emiserit ipsam personaliter prosequi teneatur Nulli ergo [] Datum Avenioni IV Kalendas Aprilis Pontificatus nostri anno IV