Charter Document - 02110005

Bonifacius Episcopus servus servorum Dei dilecto filio Abbati Monasterii Luxoviensis Bisuntinens Dioecesis salutem et Apostolicam benedictionem Ad compescendos nefarios conatus perversorum qui personas et loca Ecclesiastica et potissime Religionis cultui dedicata super bonis ac juribus offendere ac multiplicibus perturbare molestiis non verentur tanto magis nos decet opportunum remedium adhibere quanto per amplius turbationes hujusmodi et molestie in divine Majestatis offensam Ecclesiastice dispendium libertatis et Apostolice Sedis contemptum redundare noscuntur Cum itaque sicut ad nostrum pervenit auditum dilecti filii Abbas et conventus Monasterii Clun Matisc Dioecesis ac ceteri Abbates Priores et conventus Ordinis Clun a nonnullis qui nomen Domini recipere in vacuum non formidant in personis et bonis suis multipliciter molestentur Nos volentes ipsorum Abbatum Priorum et conventuum providere quieti et perversorum conatibus obviare discretioni tue per Apostolica scripta mandamus quatinus eisdem Abbatibus Prioribus et conventibus efficacis presidio defensionis assistens non permittas ipsos in personis et bonis eorum contra indulta privilegiorum Sedis Apostolice ab aliquibus indebite molestari Molestatores hujusmodi quicumque et cujuscumque Religionis conditionis aut status existant etiamsi Pontificali prefulgeant dignitate auctoritate nostra appellatione postposita compescendo Nonobstantibus tam nostra qua cavetur ne conservatores a Sede deputati predicta extra civitates et Dioceses in quibus deputati fuerint contra quoscumque procedere aut aliquos ultra unam dietam a fine Diocesum eorumdem trahere presumant quam de duabus dietis in Concilio Generali et aliis quibuscumque constitutionibus a nobis vel Predecessoribus nostris Romanis Pontificibus super hoc editis dummodo ultra tertiam vel quartam dietam aliquis extra suam Diocesim auctoritate presentium non trahatur seu si aliquibus communiter vel divisim a predicta sit Sede indultum quod interdici suspendi vel excommunicari seu ultra vel extra certa loca ad judicium evocari non possint per litteras Apostolicas non facientes plenam et expressam de indulto hujusmodi eorumque personis locis vel ordinibus mentionem seu qualibet alia indulgentia dicte Sedis generali vel speciali per quam tue jurisdictionis explicatio in hac parte valeat quomodolibet impediri Attentius provisurus ne de iis super quibus lis est forte jam mota seu que cause cognitionem exigunt et que indulta hujusmodi non contingunt te aliquatenus intromittas Nos enim si secus presumpseris tam presentes litteras quam etiam processum quem per esse illarum auctoritate haberi contigerit omnino Carere viribus et nullius fore decernimus firmitatis Hujusmodi ergo mandatum nostrum sic prudenter et fideliter exequatis ut ejus fines quomodolibet non excedas Datum Laterani VI Idus Januarii Pontificatus nostri anno octavo Habentur septem alie similes omnino et ejusdem date ad Abbates Monasteriorum S Columbe Senocensis Trenorchiens Aureliacens S Ambrosii Mediolanens Fiscanens Majoris Monasterii sancti Honoreti Lirinensis