Charter Document - 02110003
| Charter Number: | 02110003 |
|---|---|
| Cartulary Title: | Bullarium Sacri Ordinis Cluniacensis [Cluny] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1050 |
| Date type: | Internal, A.D., Calendar, Papal |
| Resource Link(s): |
|
Charter:
Leo Episcopus servus servorum Dei Hugoni venerabili Abbati Cluniacensis Cenobii ejusque successoribus in perpetuum Quoniam postulasti a nobis frater charissime confirmari Apostolica auctoritate quedam bona concessa a quibusdam viris Deum timentibus nostre Cluniacensi Ecclesie per hanc nostre prceptionis paginam confirmamus illa tibi tuisque successoribus secundum petitionem tuam quoniam eam rationabilem conspeximus et honestam Proinde scuto nostre defensionis corroboramus predicto Cenobio Ecclesiam cum predio quod dicitur Raningas sub nomine celle constructam quam dedit bone memorie Riquinus de Dornejo consentiente uxore sua Lanceda nomine nostro prefato Monasterio videlicet ipsum predium Raningas cum omnibus appendiciis suis terris cultis et incultis pratis silvis aquis aquarumque decursibus pascuis servis ancillis et omnibus usuaribus quecumque ibi visi sunt possidere Ecclesias servos et ancillas predia quoque sicut sunt a predicto Riquino scripta laudante et consentiente Tullensis Ecclesie Pontifice salva tamen auctoritate et honore sue Ecclesie confirmamus tibi in perpetuum Predium etiam quod Hugo de longa aqua dedit sancto Petro Cluniacensis Ecclesie qui caput est hujus vestre celle confirmamus tibi Insuper et alia quecumque a bonis hominibus predicto loco postea sunt concessa vel juste adquisita vel in futuro poterunt adquiri eodem modo laudamus et confirmamus statuentes Apostolica censura ut nullus Rex Archiepiscopus Episcopus Dux Comes Vicecomes vel aliqua alia judicialis persona audeat aliquam inferre calumniam contra hanc nostram defensatricem paginam quam quicumque studuerit servare et custodire illesam habeat nostram benedictionem cumulatam qui autem contrarius extiterit anathematis nostri jaculo percussus in morte anime jacens ad vitam eternam nunquam nisi resipuerit mereatur resurgere Data vii Kalendas Novembris per manus Udonis Tullensis Primicerii sancte Apostolice sedis Cancellarii et Bibliothecarii anno Domini Leonis IX Indictione iv