Charter Document - 02100023
| Charter Number: | 02100023 |
|---|---|
| Cartulary Title: | Histoire de Châteauneuf-Val-de-Bargis et de la Chartreuse de Bellary |
| Charter Language: | Latin |
| Charter Origin: | Religious |
| Charter Type(s): | |
| Date: | 1360 |
| Date type: | Internal, A.D. |
| Resource Link(s): |
|
Charter:
Universis presentas litteras inspecturis officialis curie Varziacensis salutem in Domino Proposuerunt in jure coram nobis apud Karitatem religiosi viri prior et conventus de Bello Larrico cartusiensis ordinis nomine suo et nomine dicti prioratus actores contra Johannem Ducis dominum de Laterio cum auctoritate Guillermi dicti Chacorat curatoris sui sibi a nobis ad litem dati reum quod cum dicti actores nomine quo supra fuissent et essent in possessione pacifica a multis annis retro percipiendi et habendi a tenentibus seu possidentibus Manerium de Laterio sex bichetos avene ad mensuram de Castro novo anno Quolibet predictus reus qui dictum Manerium tenet seu possidet tenuit seu possedit per duos annos nuper preteritos in solutione dictorum sex bichetorum ad dictam mensuram licet super hoc legitime requisitus dictis duobus annis cessavit indebite quare petebant dicti actores nomine quo supra ad eumdem statum percipiendi dictos sex bichetos avene reduci et ad solutionem duodecim bichetorum avene ad dictam mensuram anni redditus pro duobus annis quibus cessavit sibi sic subtractorum dictum reum sibi per nos condemnatum cum auctoritate curatoris sui predicti nostrum officium implere [] protestata []c non astringere se [] Lite igitur super hoc legitime contestata jurato hinc inde de calumnia posicionibus ex parte dictorum actorum contra dictum reum editis responsionibus ad easdem subsecutis testibus productis in re diligenter examinatis eorum attestationibus publicatis propositis hinc inde rationibus juris et facti quas utraque pars proponere voluerit concluso in causa ceterisque rite peractis tandem die lune post festum sancti Silvani coram nobis apud Karitatem ad diffiniendum in causa dictis partibus assignatis Regnaudo de Chapis clerico pro dictis actoribus et Johanne de Choignia pro dicto reo dictarum partium procuratoribus cum litteris suis procuratoriis ad hoc sufficientibus de rato coram nobis in judicio comparantibus et a nobis instanter in causa diffinitis petentibus nos Deum solum pre oculis habentes habito super hoc juris peritorum consilio consideratis etiam que nos tam de facto quam de jure movere poterant et debebant dictum Johannem de Choignia procuratorem dicti rei nomine ipsius rei et ipsum reum cum auctoritate qua se deffendit redictis actoribus nomine quo agunt per nostram diffinitivam sententiam condemnamus in petitis dictos procuratores et reum eisdem actoribus in expensis legitimis condemnamus quarum taxationem nostro judicio reservamus In cujus rei testimonium sigillum nostrum presentibus litteris diximus apponendum Datum anno Domini MCCC sexto decimo die lune predicta Daub