Charter Document - 02100007
| Charter Number: | 02100007 |
|---|---|
| Cartulary Title: | Histoire de Châteauneuf-Val-de-Bargis et de la Chartreuse de Bellary |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1227 |
| Date type: | Internal, A.D., Papal |
| Resource Link(s): |
|
Charter:
Gregorius Dei gratia episcopus servus servorum Dei dilectis filiis priori et fratribus de Bellilarico cartusiensis ordinis salutem et apostolicam benedictionem Justis petentium desideriis justum est nos facilem prebere consensum et vota que a rationis tramite non discordant effectu implere Cum ergo dilecti filii abbas et universus conventus Sti Laurentii de Abbatia quicquid habebant olim in decimis minutis sive majoribus in parochia de Vif tam in blado quam in vino sive in quibuscumque aliis ad decimas pertinentibus vobis in perpetuam eleemosynam concesserunt et donaverunt intuitu pietatis sicut eorum patentes littere manifestant Nos vestris justis precibus inclinati donationem istam auctoritate apostolica roborantes decimas ipsas sicut eas juste et pacifice obtinetis ut in litteris ipsius plenius continetur vobis et per vos domui vestre auctoritate apostolica confirmamus et presentis scripti patrocinio communimus Nulli ergo omnino hominum [] Si quis autem [] Datum octava die novembris pontificatus nostri anno primo Anno Christi MCCXXVII