Charter Document - 02090020

Si aliquid de rebus nostris offerimus sanctorum locis confidimus procul dubio in eterna beatitudine hoc retribuere nobis Quapropter ego Dalmatius cognomento de Verneis recognoscens dierum meorum finem et peccata innumerabilia que nimium perpetravi consideransque Dei pietatem qui per prophetam Danihelem dixit Peccata tua elemosinis redime confisus de tante prefatis misericordia dono sacro sancte Dei ecclesie in honore sancte Marie Dei genitricis fundate in loco Bellojoco site et canonicis ibidem Deo famulantibus quasdam res juris mei scilicet duos curtilos unum situm in villa de Stopis in loco qui vocatur Fontanellis cum terris pratis aquis aquarumque decursibus nuce riis ceterisque arboribus et cum omnibus appendiciis suis Terminatur vero a mane terra Ardrati de Varennis a meridie via publica a sero terra Atenulfi a circio rivulus Arderie Alium vero curtilium in villa de Gercione situm quem quidam agricola nomine Pontius possedit multo tempore cum terris pratis et aquis aquarumque decursibus nuce riis et cum omnibus appendiciis suis Terminatur vero a mane terra Pontii de Caneveto a meridie similiter a sero terra ejusdem Dalmatii de ipsa hereditate ab aquilone rivulus qui vocatur Rumpo Hec supra scripta dedi ego Dalmatius prefate ecclesie et canonicis ibidem Deo servientibus pro remedio anime mee et animarum predecessorum meorum et ipsi canonici dederunt michi LX solidos denariorum probate monete et unum annualem a primo die obitus mei usque ad anniversarium depositionis mee diem postea vero per singulos annos diem anniversarii mei deinde unam lucernam vel de cera vel de oleo ante sanctum crucifixum Domini nostri Jesu Christi in prefata ecclesia omni tempore ardentem Si quis vero fuerit heredum meorum qui hanc contuli itionem refragare vel calumniare presumpserit non vindicet sed vii libras auri purissimi persolvat et insuper iram Dei incurrat usque ad satisfactionem veniat Qui autem hanc elemosinam custodierint vel auxerint augeat eos Deus et custodiat in perpetuum Ego Dalmatius qui hoc fieri jussi et firmare rogavi Signum Guigonis et Stephani nepotum meorum qui propriis manibus suis hanc oblationem super sacrosanctum altare beatissime Marie obtulerunt in presentia istorum quod subtus nominavimus Signum Stephani de Marcampo Pontii de Canaveto Signum Guichardi de Closa Signum Letardi de Filgeriis Signum Duranni decani Signum Poncii cantoris Signum alii Poncii canonici Signum Willelmi sacerdotis Hebrardi sacerdoti Actum Bellojoco anno ab incarnatione domini MXC regnante Phylippo rege anno xxviii Data per manum Dur[anni] ad vicem Oddonis cancellarii iiii idus novembris