Charter Document - 02081067
| Charter Number: | 02081067 |
|---|---|
| Cartulary Title: | Essai Historique sur l'Abbaye de Saint-Martin d'Autun |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1256 |
| Date type: | Internal, A.D. |
| Resource Link(s): |
|
Charter:
Nos Girardus Dei gratia Eduensis episcopus decanus et capitulum Eduense notum facimus universis presentes litteras inspecturis Quod cum verteretur inter nos ex una parte et viros religiosos abbatem et conventum monasterii Beati Martini Eduensis ex altera super subjectione dicti monasterii et juribus episcopalibus tandem de consensu nostro et eorumdem abbatis et conventus amicabilis compositio et ordinatio intervenerunt que in aliis litteris inde confectis continentur Et propter dictam compositionem et ordinationem Guillelmo abbati dicti monasterii concessimus et eidem bona fide promisimus quod ipso Guillelmo dicti monasterii abbate existente episcopus Eduensis et episcopus Eduensis qui pro tempore fuerit dictum abbatem et conventum visitare corrigere reformare et in dicto monasterio ingerere non possumus nec debemus salvis nobis et nostris et eisdem abbati et monasterio omnibus aliis in litteris dicte compositionis et ordinationis continentur non obstantibus litteris super dictam compositionem ordinationem a sede apostolica impetratis vel etiam impetrandis Cum autem dicta compositio et ordinatio statuta et ordinata a sede apostolica fuerit presentes dicto abbati innovabimus fideliter prout sibi opportunum fuerit et eidem melius videbitur expedire Hec autem que premissa sunt dicto abbati bona fide et observare promisimus In cujus rei testimonium presentes litteras sepe dicto Guillelmo abbati tradidimus sigillorum nostrorum munimine roboratas Datum et actum Edue anno Domini MCCL sexto mense marcio