Charter Document - 02081061
| Charter Number: | 02081061 |
|---|---|
| Cartulary Title: | Essai Historique sur l'Abbaye de Saint-Martin d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1250 |
| Date type: | Assigned |
| Resource Link(s): |
Reference Document for this Embedded Document |
Charter:
Nos officialis curie Eduensis notum facimus universis presentibus et futuris quod in nostra presentia constituta domina Margareta relicta domini Guidonis de Monestoy militis recognovit quod cum contentio verteretur inter religiosum virum abbatem S Martini Eduensis ex una parte et dominum Guidonem de Monestoy maritum ejusdem relicte ex alia super pluribus querelis quas ad invicem habebant tandem de consilio bonorum compromissum fuit hinc inde inter arbitris videlicet ex parte dicti abbatis in Hugonem monachum de Somanz ex parte dicti Guidonis in petrum de Monestoy maiorem et militem qui duo arbitri per [] ab eis legitime factam invenerant [] nemus de la Dree de quo agebatur inter partes predictas videlicet a rivo de la Haleroie usque ad metas que vocantur li Croix et de les Croz usque ad fossata super esclusam salvo jure quod habet dominus de Monestoy in exclusa pertinente et pertinere debet ad jus et proprietatem ecclesie S Martini Eduensis ita tamen quod homines dicti Guidonis de Monestoy habebunt usagium in dicto nemore super venditione et donatione ad omnia eis necessaria facienda et etiam ad porcos suos in ipso pascendos Item dictum fuit et a dictis arbitris concordatum quod homines supradicti terras quas in dicto nemore excolebant possent [] excolere et de unoquoque Jornali tenentur dicto abbati vel ejus mandato singulis annis persolvere duos denarios nomine terciarum Item a dictis arbitris fuit concordatum quod illud quod vocatur li juxta stannum de Dignay per medium percipietur inter partes predictas ita quod dictus Guido et heredes ipsius vel homines ipsius Guidonis dictam medietatem habebunt De unaquaque sectura tenentur solvere singulis annis dicto abbati vel ejus mandato duos denarios censuales de terris [] sepe dicti abbatis sitis juxta nemus dou Deffans concordaverunt dicti arbitri in hunc modum quod homines dicti Guidonis possunt et debent pro terciis dicti abbatis vel ejus mandato reddendis eas terras in perpetuum excolere prout [] metas posuerunt Item de avena quam in manso Broisart dictus Guido de Monestoy predictus petebat invenerunt dicti duo arbitri quod nihil ibi habebat dictus Guido in sua potestate