Charter Document - 02081043
| Charter Number: | 02081043 |
|---|---|
| Cartulary Title: | Essai Historique sur l'Abbaye de Saint-Martin d'Autun |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1228 |
| Date type: | Internal |
| Resource Link(s): |
|
Charter:
Notum sit omnibus quod querela que vertebatur inter venerabilem virum Guillelmum abbatem et conventum S Martini Eduensis ex una parte et nobilem mulierem Aalix dominam de Corrabeu Arnulphum militem filium ejus Villelmum clericum et Hugonem filios dicte domine ex altera super eo quod dicta domina et filii sui predicti pro ipsis et pro hominibus suis asserebant jus habere in terra illa in qua stagnum de Monnetoy situm pacificata est amicabiliter in hunc modum quod dicta domina et ejus filii predicti medietatem totius juris quod ipsi et eorum homines in dicta terra habebant omnimoda ratione jam dicte ecclesie S Martini concesserunt in perpetuum et si in aliquo damnificaverunt preceperunt quod vir venerabilis archidiaconus Eduensis cujus jurisdictioni se subter obligaverunt et etiam Bertrandus archidiaconus Belnensis de ipsis nobilibus ad petitionem abbatis et conventus S Martini justitiam ecclesiasticam faciant donec plenius satisfecerint de mandato dictorum nobilium MCCXXVIII mense novembri