Charter Document - 02080116
| Charter Number: | 02080116 |
|---|---|
| Cartulary Title: | Essai Historique sur l'Abbaye de Saint-Martin d'Autun |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1339 |
| Date type: | Internal, A.D., Feast, Papal |
| Resource Link(s): |
|
Charter:
In Dei nomine amen Anno Domini MCCCXXXIX die sexta decima mensis martii indictione octava pontificatus sanctissimi in Christo Patris ac Domini nostri Domini Benedicti divina providentia pape duodecimi anno sexto Noverint universi presens instrumentum publicum inspecturi quod in presentia nostra et testium infra scriptorum constitutus religiosus vir frater Hugo Mileti monachus et cantor monasterii S Martini Eduensis ac provisor domus de Bunays Nivernensis diocesis ad dictos abbatem et conventum monasterii S Martini prefati pertinentem coram discreto domino Guillelmo Lathomi clerico collectore seu receptore procurationum reverendorum in Christo patrum duorum cardinalium ad regna Francie et Anglie a sede apostolica nunciorum deputatorum et [] Guillelmo dixit quod licet nunquam fuerit aliqua ratione dicte domus de Bunays persolutum pro aliquibus procurationibus aliquorum dominorum cardinalium nec etiam alicujus episcopi Nivernensis in cujus diocesi est situata dicta domus nec alicui archidiacono vel archipresbytero et etiam in dicta domo non sint aliqui monachi residentes nec oratorium ali quale nichil homines rector dicte domus fuerat de novo monitus ut ipsi Guillelmo infra triginta dies solveret majorem summam quam persolvere consueverat pro procurationibus duorum cardinalium asserens eidem Guillelmo nomine dictorum dominorum abbatis et conventus ad quos pertinet dicta domus facta sibi fide quod alias fuerit aliquid persolutum predictis ratione dicte domus [] facere justicie complementum dicto Guillelmo eidem fratri Hugoni rendente quod utrum ratione dicte domus alias aliquid persolutum pro predictis nec ne ignorabat Et cum paratus erat recipere quicquid dictus frater Hugo sibi vellet tradere ratione dicte domus pro procurationibus predictis et sibi de tradendis dare litteras quittatorias protestans quod nisi ille qui ad dictas procurationes teneretur ratione dicte domus si quis esset eas non solveret quod summas latas contra non solventes incurreret dicto fratre Hugone in contrarium protestante et ut supra sibi asserente De quibus omnibus et singulis dictus frater Hugo nomine dictorum abbatis et conventus petiit a me publico notario infrascripto sibi fieri publicum instrumentum Acta sunt hec Nivernis ante domum quam inhabitat dictus Guillelmus presentibus Johanne Coillardi et Johanne Mynardi clericis et pluribus aliis testibus [] Et ego Regnaudus Letaudi clericus Nivernensis diecesis sacra apostolica et imperiali auctoritate partibus nec non predictis omnibus una cum dictis testibus presens interfui et ideo huic presenti publico instrumento signum meum apposui consuetum rogatus []