Charter Document - 02080111

Nos Johannes humilis abbas S Martini Eduensis totusque ejusdem loci conventus notum facimus quod pro centum libris bonorum suorum Turone nunc currentibus ab Hugone monacho de Rossilione domicello nobis traditis integraliter et solutis in pecunia numerata de quibus tenemus nos plenarie pro pagatis nec non et pro eo quod dictus Hugo fieri fecit et in ecclesia nostra S Martini quoddam altare lapideum cum capella ejusdem in honore Beati Anthonii confessoris suis propriis missionibus et expensis ante quod altare dictus Hugo sepulturam suam post ipsius obitum preelegit Item et pro sexaginta libratis ornamentorum dicti altaris tam calicis librorum infularum indumentorum et mansorum quam plurimorum aliorum ad ipsum altare necessariorum pro divino officio in eodem pro remedio anime sue annuatim singulis hebdomadis celebrando ab ipso Hugone dicto altari donatis perpetuo et concessis Item et pro pluribus gratiis serviciis meritis et beneficiis ab eodem Hugone nobis et dicte ecclesie nostre factis legaliter et impensis temporibus retroactis et que adhuc de die in diem nobis facere non desistit et quas predictas centum libras turonenses scimus fuisse positas in solutionem cujusdam magne pecunie summe in qua tenebamur debitores obligati nobili et potenti viro domino Johanni de Castro Villani domino Luzeii militi ratione gaigerie terre et prepositure suarum de Tilio super Arrotum de feodo nostro ligio moventium dudum ab eodem milite nobis traditas sive factas Nos in recompensationem predictorum cum nullum bonum irremuneratum debeat pertransire damus et concedimus perpetuo pro nobis et successoribus nostris donatione facta inter vivos capellano dicti altaris monacho dicti monasterii nostri qui ex nunc ad ipsum altare per dictum Hugonem electus fuerit vel etiam institutus et ejus successoribus capellanis ejusdem altaris totam terram nostram de Achereul cum justicia dominio juribus reditibus [] pro divino officio singulis annis et hebdomadis ad dictum altare pro remedio anime dicti Hugonis et antecessorum suorum perpetuo celebrando salvis et retentis nobis predicto conventui quadraginta solidis turonensibus redditu albius super reditibus et exitibus dicte terre nobis annuatim semel in anno persolvendis a capellano dicti altaris dictam terram pro tempore tenente pro una missa de Sancto Spiritu quamdiu vixerit dictus Hugo die festi Beati Anthonii ad dictum altare et pro una missa de defunctis post ipsius Hugonis obitum consimili die obitus singulis annis pro anniversario dicti Hugonis a nobis in ecclesia nostra solemniter celebrandis Volumus autem et concedimus nos abbas et conventus predicti quod collatio seu donatio dicti altaris a dicta terra d'Achereul cum reditibus juribusque ad dictum Hugonem quamdiu vixerit et post decessum suum ad priorem monasterii nostri pro tempore existentem et non ad alios pertineat pleno jure perpetuo quod dictus capellanus dicti altaris noster monachus non possit vel debeat per nos quacumque consuetudine vel causa nisi in casu quo delinqueret extra dictum monasterium nostrum pro sua mansione alibi facienda mitti quomodo libet vel transferri Item tenebitur dictus capellanus celebrare vel facere celebrari ad dictum altare singulis hebdomadis annuatim quatuor missas quarum una erit de S Spiritu quamdiu vixerit dictus Hugo et alie tres erunt pro mortuis celebrate et post decessum ipsius Hugonis omnes quatuor misse erunt pro defunctis fidelibus Item dictus capellanus habebit omnes et singulas oblationes et eleemosynas que fient ad dictum altare tam in pecunia blado et cera quam rebus aliis dum tamen dictus capellanus noster com monachus existat Item volumus et eidem Hugoni concedimus quod ipse perpetuo sit particeps omnium bonorum spiritualium que deinceps fient tam in dicta ecclesia nostra quam in membris descendentibus ab eadem [] Datum et actum in dicto capitulo nostro die mercurii in vigilia festi beati Martini hyemalis anno Domini MCCCXXXIII circa horam tertiam indictione secunda pontificatus sanctissimi patris ac domini nostri domini Johannis pape vicesimi secundi anno decimo octavo presentibus Perroto de Brolio domicello Gauderico filio quondam Simoneti de S Martino clerico et Philiberto de Cariloco Barbierio testibus