Charter Document - 02080104

In nomine Domini amen Universis presens instrumentum publicum visuris et audituris officialis curie Eduensis rei geste noticiam et salutem Coram Roberto de S Gengulpho clerico et apostolica et imperiali autoritate notario publico ac jurato notario curie Eduensis et nostre et vice nostra in hac parte fungente propter hoc personaliter constitutus anno Domini MCCCXXII die sabbati ante festum Ascensionis ejusdem indictione quinta pontificatus sanctissimi patris ac domini domini Johannis divina providentia pape XXII anno sexto Guillelmus maior de Monestoy domicellus spontaneus providus et discretus nec in aliquo circumventus confitetur et publice recognoscit presente fratre Hugone Mileti monacho et procuratore monasterii S Martini Eduensis se debere religiosis viris priori et conventui antedicti singulis annis in perpetuum mense marcio decem solidos monete divionensis ex annuo et perpetuo redditu pro anniversario defuncte dicte la Moine de Quinceyo domicelle tradite ecclesiastice sepulture in cimeterio monasterii S Martini predicti dictos que religiosos fuisse et esse per se vel per alium eorum nomine et pro ipsis et eorum monasterio per multa tempora et ultima in possessione percipiendi et habendi ab eodem Guillelmo maiore seu ab alio ejus nomine et pro ipso singulis annis dictos decem solidos divionenses ex ea predicta et super hiis petiit dictus frater Hugo Mileti procurator procuratorio nomine a dicto notario dari et fieri publicum instrumentum testes annotans hic astantes In quorum testimonium nos prefatus officialis ad preces et instantiam dicti procuratoris procuratorio nomine nobis oblatas per dictum notarium et juratum notarium cui super hiis et majoribus fidem plenariam adhibemus sigillum curie Eduensis una cum signo et subscriptione ejusdem notarii publici presenti instrumento publico inde confecto duximus apponendum Datum et actum anno die indictione et pontificatu supradictis presentibus magistro Guillelmo de Capella predicta auctoritate qua super publico notario et domino Hugone Brutini de Edua ad hoc vocatis testibus et rogatis Et ego Robertus de Sancto Gengulpho Cabilonensis diocesis clericus apostolica et imperiali nec non et dicti domini officialis auctoritate notarius publicus in cujus et testium predictorum presencia facta fuit confessio supradicta et alia premissa acta sunt in hoc instrumento publico inde confecto et subscripsi et publicavi signo que meo solito signavi vocatus et rogatus