Charter Document - 02080079

Nos Hugo dux Burgundie notum facimus quod cum discordia verteretur inter nos ex una parte et religiosum virum fratrem Michaelem abbatem Sancti Martini Eduensis et conventum ejusdem loci ex altera super justitia et juridictione magna et parva villarum de Girolles de Tarroy de Agneolo de Aquay de Stabulis Grangiis nemoris Sancti Martini scitis juxta chatelniam et territorium ejusdem nemoris Sancti Martini prout territorium accingitur et circuitur fossis et rivulis de Thori et de Vacy et aliorum locorum in castellanis Avalonensi scitorum pertinentium ad dictos abbatem et conventum et ad prioratum suum de Avalone et appendiciorum ipsarum villarum et locorum justitiam et jurisdictionem ad nos pertinere dicebamus et ipsi ad ipsos supra eo etiam verteretur discordia inter nos et ipsos quod in hominibus et terra ipsorum in Castellanis Avalonensi dicebamus nos habere quod si homines nostri vel mulieres conjungebantur ad invicem per copulam matrimonii cum mulieribus vel hominibus prioratus Sancti Martini Avalonensis mortuo homine vel muliere prioratus predicti heredes hominum vel mulierum ipsius prioratus ad nos in solidum pertinebant et deveniebant Denuo super eo quod ipsi religiosi asserebant homines suos posse morari seu mansionem habere in castro de Avalone absque franchisia nobis vel preposito nostro Avalonensi solvenda nobis in contrarium asserentibus Preterea super jurisdictione magna et parva ville des Granges et appenditiorum et pertinenti arum dicte ville tam in terris [] Super et quadam pronominatione seu procuratione quam petebat nomine nostro castellanus noster Cabilonensis ab hominibus predicte ville de Grangiis Iterum super illa parte justicie quam dicebamus nos habere in villa et in domo ipsorum religiosorum de Chenove et rebus aliis in castellanis de Cussy scitis Ipsi vero religiosi predictam justitiam magnam et parvam in locis predictis omnibus et singulis se habere dicebant et furcas in dictis locis se habere posse et tenere et ad procurationem predictam homines suos minime teneri Super eo etiam quod dicebant se habere omne usagium sive usum in nemoribus Eduensibus exceptis donatione et venditione Ut in posterum inter nos et dictos religiosos viros abbatem et conventum super premissis non possit suscitari materia conquerendi seu questionis de consensu partium extitit amicabiliter concordatum in hunc modum quod justicia et jurisdictio magna et parva ville de Girolles et totius territorii ejusdem ville prout protenditur late et longe usque ad viam que appellatur cheminum Bretum per quem itur a capella vallis Oliquey ad crucem de Agneolo sunt ipsorum abbatis et conventus Iterum in aliis villis terris et locis superius notatis videlicet in his omnibus que tenent in manu sua seu in dominica turis suis iterum in hominibus suis et rebus ipsorum omnibus iterum in grangia sua nemoris Sancti Martini scita juxta castellaniam et in territorio dicti nemoris prout superius est expressum volumus quod habeant justitiam et jurisdictionem magnam et parvam Concordatum est et inter nos quod heredes hereditates hujusmodi hominum et mulierum prioratus de Avalone matrimonialiter conjunctorum vel conjungendarum cum hominibus nostris vel mulieribus ipsis hominibus vel mulieribus prioratus defunctis ad nos non pertineant imo ad dictos religiosos sine reclamatione aliqua a nobis facienda licet hos inde in quibusdam locis vicinis habeamus Iterum volumus quod dicti religiosi habeant sex familias hominum in castro nostro Avalonensi tantummodo sine franchisia nobis solvenda justitia et juridictione nobis in dictis familiis remanente Volumus et justitiam et jurisdictionem magnam et parvam villarum des Granges et de Chenoves ipsos habere et ad ipsos pertinere hoc salvo quod pelagium in villa des Granges habemus prout consuevimus et sexaginta solidos apud Chenoves in hominibus qui tenent mansos dictos vel qui pro tempore tenebunt Iterum volumus homines des Granges ad procurationem quam petebat castellanus noster Cabilonensis non teneri Iterum concordamus et volumus quod predicti religiosi habeant in nemoribus nostris Eduensibus usum sive usagium exceptis nemoribus versis et versus Cordesse et omnibus nemoribus nostris scitis ultra Arroux Item volumus quod dicti religiosi possint habere furcas in territorio de Girolles des Granges de Chenoves et jurisdictionem exercere ad easdem Volumus etiam nihil nos vel heredes vel successores nostros in rebus supradictis retinere vel habere posse nec in justitia magna et parva predictarum villarum et aliarum rerum seu locorum nec in appenditiis ubicumque sint vel existant nisi bonam et legitimam gardam pro qua videlicet in eisdem villis et locis nos vel nostri successores nihil possumus petere vel extorquere nec homines dictorum religiosorum possumus contra ipsos defendere vel in aliquo garantire licet adversus extraneos hoc facere teneamur Sciendum est quod omnes redditus quos habemus in terra de Bragny et de Chenove et quidquid alii in eisdem locis a nobis tenent in feodum ab abbate et monasterio Sancti Martini Eduensis tenemus in feodum et tenere debemus Damus etiam eisdem religiosis quod possunt habere et acquirere terras et prata ad opus unius carruca in parochia de Marmaigne nulla parte a nobis in ipsis terris et pratis percipienda Volumus et ut prior de Bragny qui pro tempore fuerit pro nobis in terra sua de Bragny messem quam ibidem habere consuevimus teneat et suam faciat et loco messis quater viginti bichetos siliginis ad mensuram de Paredo Moniali mandato nostro infra quindenam Nativitatis Domini solvere teneatur Si vero mandatum nostrum negligens esset in recipiendo in dicto termino dictos quater viginti bichetos siliginis a dicto priore vel ejus mandato dictus prior in eo valore et estimatione tantummodo teneatur quo esset in termino prenotato Retinemus et alia jura que habemus in villis de Marmaigne et de Bragny et appendiciis earumdem Damus et predictis religiosis feodum et jus feodi quod tenent a nobis domini Guillelmus le Begues miles Joannes domicellus et feodum de Champdoiseau et rere feodum rerum quas alii tenent a predictis Guillelmo Joanne et Champdoiseau Ipsi vero religiosi dederunt nobis pro predictis omnibus declarandis et pacificandis domum suam de Sancto Hylario juxta Dolam cum pertinenciis ejusdem domus excepto jure patronatus Item dederunt feodum quod tenetur ab ipsis ratione dicte domus Iterum octies centum libras turonenses de quibus habemus nos pro pagatis in pecunia annumerata Actum anno Domini MCCLXX mense maii