Charter Document - 02071076

Ego magister Aymo de Pesmis Lugdunensis et Eduensis canonicus habens plenam et liberam potestatem et mandatum speciale a reverendo in Christo patre domino Jacobo Dei gratia episcopo Eduensi dimittendi reddendi seu restituendi archiepiscopatus Lugdunensis administrationem et omnia et singula ad ipsam administrationem spectantia domino electo Lugdunensi vel ejus procuratori vobis domino Guichardo de Sancto Simphoriano preposito Forverii et domino Guidoni de Buens canonicis prime Lugdunensis ecclesie de mandato domini Henrici de Sartines Sancti Justi Lugdunensis et magistri Guillermi de Argentolio Virdunensis ecclesiarum canonicorum procuratorum dicti domini electi et ipsis mandantibus et precipientibus pro domino episcopo Eduensi et toto capitulo prime Lugdunensis ecclesie in quantum tangit dictum capitulum et pro jure ipsius capituli administrationem archiepiscopatus Lugdunensis restituo et salvo jure ipsius capituli si quod competit eidem capitulo in restitutione administrationis predicte facienda dicto capitulo finita administratione episcopi Eduensis pro tempore administrationem ipsius archiepiscopatus gerentis Quibus verbis prolatis dictus Aymo de voluntate et mandato dictorum duorum procuratorum dicti domini electi dictos procuratores capituli misit in possessionem castri Petre Cisse castri domorum edificiorum et fortalicii ejusdem tradendo eis claves porte et aliorum hostiorum domorum castri predicti Quibus restitutione et traditione modo predicto factis dicti procuratores domini electi reputaverunt et reputant ipsam restitutionem sibi fuisse factam et de administratione et traditione predictis se tenent integre pro contentis Acta fuerunt predicta apud Petram Cissam presentibus magistro Bartholomeo Jomari de Sancto Baldamero Girardo de Sancto Leodegario Stephano Grollerii clericis domino Johanne de Mauleyo canonico Belnensi Matheo Anglici publico notario Hugone de Sancto Mauricio preposito Lugdunensi et pluribus aliis ad hoc vocatis Item anno die et indictione ut supra in presentia nostra dictorum duorum notariorum publicorum idem magister Aymo de Pesmis sub modo forma et verbis superius expressis restituit eisdem procuratoribus dicti domini electi de voluntate et mandato dictorum procuratorum eisdem Guichardo de Sancto Simphoriano et domino Guidoni de Buent procuratoribus dicti capituli Lugdunensis castrum de Beschivellein tradendo eis claves portarum et domorum dicti castri et mittendo eos in possessionem castri predicti et domorum ejusdem quam restitutionem et traditionem dicti procuratores reputaverunt et reputant sibi factas esse et de restitutione et administratione predictis se tenent et habent integre pro pagatis Acta fuerunt predicta apud Beschivellein presentibus magistro Bartholomeo Jomari de Sancto Baldomero clerico Falconeto de Yriginiis et Girardo de Sartines domicellis Guillermo dicto Guerrens Stephano dicto Banus et pluribus aliis ad hec vocatis testibus et rogatis coram nobis duobus notariis supradictis Item anno et indictione ut supra die mercurii post festum beati Petri ad Vincula in presentia nostra eorumdem notariorum et testium infra scriptorum idem magister Aymo de Pesmis sub modo forma et conditionibus antedictis restituit domino Henrico de Sartines canonico Sancti Justi procuratori dicti domini electi de voluntate et expresso mandato dicti domini Henrici prefatis domino Guichardo de Sancto Simphoriano et domino Guidoni de Buens procuratoribus dicti capituli Lugdunensis castrum de Riorterio domos et fortalicia tradendo eis claves portarum et domorum dicti castri et mittendo eos in possessionem dicti castri et domorum ejusdem quam restitutionem et traditionem dictus dominus Henricus procurator dicti domini electi reputat esse factam et de administratione et restitutione predictis se tenet integre pro pagato nomine dicti domini electi