Charter Document - 02070108
| Charter Number: | 02070108 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1300 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis nos Johannes dictus Bolers de Sancto Dyonisio in Vallibus Cabilonensis dyocesis Guillermeta et Symona ejus sorores notum facimus quod nos vendimus tradimus concedimus deliberemus et penitus quittamus pro nobis et nostris heredibus imperpetuum reverendo in Christo patri domino Bartholomeo Eduensi episcopo et successoribus suis imperpetuum unam nostram peciam curtilis prout se extendit in latitudinem et in longitudinem sitam apud Sanctum Dyonisium inter vineam dominorum de domo Dei de Melloto ex una parte et domum predicti domini episcopi ex altera a dicto domino episcopo et successoribus suis tenendam possidendam pariter et habendam decetero pacifice et quiete pro triginta solidis Turonensium nobis venditoribus a dicto domino episcopo emptore jam solutis in pecunia legitime numerata Devestientes nos [] In cujus rei testimonium sigillum curie Cabilonensis presentibus litteris rogavimus apponi Et nos Johannes de Edua officialis curie Cabilonensis ad requisitionem dictorum venditorum sigillum curie Cabilonensis presentibus litteris duximus apponendum Datum die lune post octabas beati Dyonisii anno Domini MCCC