Charter Document - 02070107
| Charter Number: | 02070107 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1300 |
| Date type: | Internal, A.D. |
| Resource Link(s): |
|
Charter:
Nos magister Johannes de Edua officialis curie domini archidiaconi Eduensis notum facimus universis presentes litteras inspecturis quod in nostra presencia propter hoc specialiter constitutus Johannes de Prangi domicellus coram nobis spontaneus non coactus ut asserit confitetur et recognoscit pro se et suis se vendidisse cessisse et concessisse imperpetuum reverendo in Christo patri domino Bartholomeo Dei gratia episcopo Eduensi precio centum solidorum Turonensium solutorum a jam dicto domino episcopo dicto Johanni in bona pecunia legitime numerata feodum quod tenebat a dicto domino episcopo Eduensi in finagio de Colungiis videlicet les Tierces quas sibi debebant liberi Belini de Colungiis et duos denarios censuales sibi debitos ab eisdem liberis et quoddam pratum quod partitur seu dividitur cum dictis liberis situm in dicto finagio et contiguum prato domini Johannis de Vilers militis defuncti item unum bichetum frumenti et unum obolum census quos debebant eidem Johanni liberi Galteri de Vilers super una ochia terre sita in dicto finagio et specialiter quicquid tenet et habet ab eodem Quare promittit dictus Johannes pro se et suis per juramentum suum [] Datum et actum anno Domini millesimo trecentesimo mense junio