Charter Document - 02070104
| Charter Number: | 02070104 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1299 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Nos Bartholomeus permissione divina Eduensis episcopus ad universorum volumus notitiam pervenire quod nos discretos viros magistrum Johannem de Vytello archipresbiterum Flavigniaci Guillelmum dictum Porcheys rectorem ecclesie de Villanis et Bartholomeum dictum Moussey prepositum nostrum Flavigniaci et quemlibet eorum in solidum ita quod non sit melior conditio occupantis exhibitores presentium facimus et constituimus procuratores vel nuntios speciales ad requirendum petendum et recipiendum nomine nostro ab abbate monasterii Flavigniacensis et precipiendum ex parte nostra quod sibi tradat claves ville Flavigniaci et ad faciendum de dictis clavibus quod faceremus si presentes essemus salvo in omnibus jure nostro et ecclesie nostre Eduensis et specialiter salvis processibus per nos factis et habitis contre fratrem Guidonem abbatem Flavigniaci et quoslibet alios super requisitionibus et preceptis alias a nobis eidem factis super redditione et traditione clavium ville abbatie et fortaliciorum Flavigniaci pro jure nostro et ecclesie supradicte et super hiis que inde sequta sunt quibus per hoc non intendimus renuntiare immo expresse protestamus nos per predicta nolle renuntiare In cujus rei testimonium presentibus litteris sigillum nostrum duximus apponendum Datum die sabbati ante Purificationem beate Marie Virginis anno Domini MCC nonagesimo nono