Charter Document - 02070102
| Charter Number: | 02070102 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1299 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Frater Guido permissione divina humilis abbas Flavigniacensis dilectis nostris fratribus Stephano decano et Girardo dicto Barrot commonachis nostris de Flavigniaco salutem et dilectionem sinceram Cum nobis ex parte magnifici principis Roberti ducis Burgundie fuerit intimatum quod ipse claves fortaliciorum municipii Flavigniacensis turrium et munitionum a reverendo in Christo patre domino Bartholomeo Eduensi episcopo propter sui necessitatem exegerat mandamus vobis quatinus vos vel alter vestrum loco nostri dictas claves ad requisitionem dicti reverendi patris quamprimum ab eodem fueritis requisiti vel ejus mandato secundum quod alias fieri consuevit reddatis mandatum nostrum ita diligenter exequentes quod in nullo videamini preterire Datum die martis ante festum beati Hilarii anno Domini MCC nonagesimo nono