Charter Document - 02070101
| Charter Number: | 02070101 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1298 |
| Date type: | Internal, A.D. |
| Resource Link(s): |
|
Charter:
Nos frater Odo dictus abbas Fonteneti Cisterciensis ordinis diocesis Eduensis totusque ejusdem loci conventus universis presentes litteras inspecturis notum facimus quod cum nos abbas et conventus predicti de quibusdam vineis quas habemus in finagiis de Alisia et de Flavigniaco decimam vini solvere teneremur reverendo in Christo patri domino episcopo Eduensi vel ejus mandato que decima circa tres modios vini anno quolibet valere poterat prout reverendus in Christo pater dominus Hugo Dei gratia Eduensis episcopus super hoc plenius informatus invenit nosque et monasterium nostrum predictum dictus dominus episcopus quittaverit in perpetuum de dicta decima vini pro tribus modiis vini ad mensuram Flavigniacensem nos abbas et conventus predicti promittimus et tenemur reddere et solvere anno quolibet in perpetuum ipsi domino episcopo et suis successoribus vel mandato eorum in cellario nostro de Alisia infra festum Omnium Sanctorum dictos tres modios vini boni et mercabilis ad mensuram Flavigniacensem predictam et ad hoc nos et monasterium nostrum et bona nostra et ipsius monasterii nostri obligamus Et ut hoc obtineat plenam roboris firmitatem nos abbas et conventus sepedicti sigillum nostrum presentibus litteris apposuimus in testimonium veritatis Datum et actum anno incarnationis Dominice millesimo ducentesimo nonagesimo octavo mense septembri