Charter Document - 02070099
| Charter Number: | 02070099 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1298 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis nos Hugo miseratione divina Eduensis episcopus notum facimus quod cum nos habeamus et teneamus apud Massingeium in Auxeyo prope Sinemurum plures homines cum mansis corumdem appenditiis et pertinentiis mansorum predictorum moventes et existentes de bonis episcopatus nostri Eduensis videlicet liberos Martini La Marre et eorum mansum Perrellum Gileti et ejus mansum Johannem Butout et ejus mansum Girardum Presbyteri et ejus mansum et Gaufridum Regnauldi et ejus mansum et appenditias et pertinentias dictorum mansorum nos pensata et considerata utilitate ecclesie nostre Eduensis et episcopatus predicti et ipsi ecclesie ex hiis que secuntur commodum non modicum generari de consensu et voluntate decani et capituli ecclesie nostre Eduensis predicte homines et mansos predictos appenditias et pertinentias mansorum predictorum et quicquid habemus habere possumus et debemus et ecclesia nostra Eduensis predicta apud Massingeium predictum quocumque modo seu quacumque causa tam in hominibus mansis tailliis censibus coustumis terris ripariis nemoribus juribus juridictionibus justiciis seu aliis rebus quibuscumque venerabili viro Helie de Suilleyo canonico ecclesie Eduensis tradimus concedimus imperpetuum sibi et suis heredibus ac etiam deliberamus in excambium perpetuum et permutationem perpetuam pro rebus inferius nominatis videlicet pro Bernardo dicto Pele et ejus manso Domangeto ejus fratre et ejus manso et Guiota Bretone et ejus liberis et eorum mansis sitis apud Thoiseyum et appenditias et pertinentias predictorum et pro omni jure quod habet habere potest et debet idem Helias apud Thoiseium predictum tam in hominibus mansis tailliis censibus coustumis terris rippariis nemoribus juribus servitutibus juridictionibus justiciis quam rebus aliis quibuscumque et pro feudo terrarum et pratorum de Sereteaul videlicet illarum quas tenet et tenere debet dominus Johannes Meneures miles in feodum ab Helia predicto Et ego Helias predictus dictos homines et eorum mansos quos habeo apud Thoiseyum predictum appenditias et pertinentias dictorum mansorum et quicquid juris habeo habere possum et debeo apud Thoiseyum predictum tam in hominibus mansis tailliis censibus coustumis terciis rippariis nemoribus juribus servitutibus juridictionibus justiciis quam rebus aliis quibuscumque et feudum predictum trado quitto imperpetuum dicto domino episcopo Eduensi et ejus successoribus in excambium perpetuum seu permutationem perpetuam pro rebus predictis ut dictum est apud Massingeium sitis et teneor facere et procurare quod dictus miles faciat homagium dicto domino episcopo de terris et pratis predictis et recognoscet se et heredes suos tenere in feudum et tenere debere ab episcopo Eduensi imperpetuum terras et prata hujusmodi sicut eos tenet a me promittentes bona fide [] Et nos decanus et capitulum Eduensis attendentes et considerantes permutationes predictas ecclesie Eduensi fore non modicum fructuosas predictas permutationes volumus laudamus et etiam approbamus promittens bona fide quod contra non veniemus in futurum In quorum robur et testimonium nos episcopus predictus sigillum nostrum et nos decanus et capitulum predicti sigillum sancti Nazarii quo utimur et ego Helias predictus sigillum meum litteris presentibus duximus apponenda Datum anno Domini millesimo CC nonagesimo octavo mense junii