Charter Document - 02070097
Charter Number: | 02070097 |
---|---|
Cartulary Title: | Cartulaire de l'Evêché d'Autun |
Charter Language: | Latin |
Charter Origin: | Lay |
Charter Type(s): | Sale |
Date: | 1297 |
Date type: | Internal, A.D., Feast |
Resource Link(s): |
|
Charter:
In nomine Domini amen Anno incarnationis ejusdem millesimo ducentesimo nonagesimo septimo die sabbati ante festum Nativitatis Domini ego Perroneta quondam filia Stephani Raffin de Changeyo et Johannete ejus uxoris deffuncte uxor Hugonis dicti Tamplier de Castillione notum facio universis presentibus et futuris quod ego teneo in feodum a reverendo in Christo patre domino episcopo Eduensi nomine sedis episcopalis Eduensis decem et septem operatas vinee sitas in finagio de Savigneyo versus Belnam in loco vocato la Serpentine videlicet in duabus partibus quarum una pars sita est juxta vineam Guiete sororis mee uxoris Arnulphi le maigle de Edua ex una parte et vineam Guillermi La Guille ex altera et alia pars juxta vineam Anserici fratris mei et juxta cantorium quod fuit Regnauldi Baugier que due pecie vinee michi devenerint ex successione et morte Petri de Belna quondam vigerii Eduensis quas quidem duas pecias vinee ego non decepta non cohacta nec in aliquo circumventa de mandato et auctoritate dicti mariti mei vendo concedo et imperpetuum quitto pro me et meis prefato domino episcopo Eduensi et successoribus suis precio videlicet quinquaginta et novem libris Turonensium de quibus me teneo a dicto domino episcopo plenarie et integre pro pagata Quare de dictis vineis venditis me devestio [] Actum in presencia Hugonis de Sancto Poncio clerici notarii Eduensis domini Petri de Arciaco archidiaconi Belnensis magistri Galteri de Paredo officialis Eduensis domini Johannis de Tassille et Perroneti Brautini testium ad hoc vocatorum anno et die predictis